Organizamo-nos? ABERTAMENTE!

A Assembleia Aberta da Baiuca Vermelha formamo-la aquelas pessoas que trabalhamos na dinamizaçom do Local Social, organizando todo tipo de actos, desde os de carácter lúdico como concertos, exposiçons ou jogos populares, até os mais comprometidos com a transformaçom da realidade na que vivemos como ciclos de debate, charlas, cursos de formaçom e muito mais.

A Assembleia Aberta é um colectivo plural no que confluímos tod@s @s que apostamos polo soberanismo e pola defesa dos direitos nacionais da Galiza; pola defesa de postulados de esquerda anticapitalista como única alternativa á miséria económica e social a que nos condena o Capitalismo; pola aboliçom do patriarcado e a completa igualdade entre mulheres e homens, por umha democracia real, popular e participativa; polo monolingüísmo social e o reintegracionismo para devolvermos à língua do nosso povo o lugar que lhe corresponde; por umha cultura democrática e popular, feita por e para nós própri@s, fóra do mercadeio dos meios de comunicaçom de massas; pola aboliçom dos exércitos ao serviço dos interesses do Capital e por umha sexualidade livre.

A Assembleia Aberta funciona dum jeito completamente horizontal e democrático, a nossa vontade é a de converter a Baiuca Vermelha num espaço livre das opressons que nos assolam a diário no trabalho, no centro de ensino, na morada?; converte-la num ponto de referência para a cultura popular e para os movimentos sociais da comarca do Condado; converte-la num lugar onde practicar um lezer alternativo, contrário ao modelo alienante e destrutivo da pessoa e a colectividade que nos impom o Capitalismo; converte-la, em definitivo, num espaço de luita ao serviço exclussivo do Povo Trabalhador, das mulheres e da mocidade. E para fazer todo isto contamos com a tua participaçom e a de todas as pessoas comprometidas com a transformaçom radical da realidade do Condado.

Participa da Assembleia Aberta da Baiuca Vermelha!