Membros da Assembleia Aberta do Local Social Baiuca Vermelha depositamos às 20h da tarde de segunda-feira às portas da Cámara Municipal todo o lixo recolhido no rio Tea na Jornada de Limpeza levada a cabo no Sábado 4 de Agosto.

Em apenas umhas horas e numha faixa da margem de rio nom superior aos dous mil metros, fôrom recolhidas rodas de camiom, um contentor de lixo, sacos de plástico, olas, objectos metálicos, vidros, pilhas?, que somadas aos contínuos despejos ainda existentes no seu leito, fam do Tea um rio com um alto índice de contaminaçom.

Consideramos umha dilapidaçom de recursos económicos construir passeios pola beira do rio sem antes ter solucionado a grave crise ecológica na qual o desleixo, o desinteresse e os interesses económicos deixárom o Tea.

Da Assembleia Aberta do Local Social Baiuca Vermelha fazemos um apelo às autoridades competentes na matéria para que ponham soluçom de umha vez por todas a esta situaçom de agressons continuadas. Os rios devem ser património para desfrute de todas e todos e nom lixeiras nas quais o modo de produçom capitalista tende a converter todos os rios e a natureza em geral.

Assembleia Aberta do Local Social Baiuca Vermelha

Ponte Areas 6 de Agosto de 2007