Entre a noite do domingo dia 26 e a terça-feira 28 de Julho, o Local Social Baiuca Vermelha era assaltado por pessoas desconhecidas que levaárom do seu interior numerosos objectos.

O Local Social, levantado e gerido com o esforço de todas e todos, que tantas actividades tem acolhido na defesa de todo o tipo de direitos e reivindicaçons, foi assaltado sem contemplaçons.

Na Assembleia Aberta do Local Social Baiuca Vermelha sabemos que a principal causa do aumento da denominada “delinqüência” e dos roubos em diversos locais de Ponte Areias, responde à cada vez maior quantidade de pessoas sem recursos que o sistema capitalista provoca. É por isso que nom demandamos mais Polícia nem Guarda Civil, porque sabemos que essa nom é a soluçom. A soluçom passa polo combate ao decrépito capitalismo e polo trabalho na construçom de um sistema mais justo, por dar alternativas viáveis à juventude frente à desfeita do consumismo.

O Local Social Baiuca Vermelha continuará, como até hoje, com as suas portas abertas a todas e a todos vós, a trabalhar pola defesa da nossa cultura, de valores alternativos ao consumismo e às modas que impom o capitalismo, na defesa dos direitos das minorias oprimidas e a contribuir para atingir umha Galiza livre, socialista e nom patriarcal.

Se alguém sabe quem pudo ter cometido o roubo no Local Social, agradecemos que se ponha em contacto connosco.

Objetos subtraídos:

Ecrám de Plasma (1.500€)
Ecrám de Computador
Scanner
Altifalantes de Computador
2 garrafas de uisque
50€ da caixa registadora
Dinheiro da ajuda da clientela para manter o serviço de Internet
-------------------------------------------
Microondas e Impressora (deitadas na porta traseira do Local Social)
Saduicheira (rota no chao da cozinha)

O Sábado 23 de Maio terá lugar um campionato de Pingue Pongue que dará começo a partir das 20h.

Os prémios som:
1º Uns ténis de gama alta
2º Umha pá de pingue pongue
3º Umha camisola

A preço da inscriçom é de 3€.

O Sábado 16 de Maio, na véspera do dia das nossas letras, terá lugar na Praça Maior de Ponte Areias a elaboraçom dos tradicionais maios a cargo da Assembleia Aberta da Baiuca Vermelha.

A jornada será aproveitada também para chamar a participar da manifestaçom do dia seguinte em Compostela convocada pola plataforma GALEGO SEMPRE MAIS: http://www.galegosempremais.net/

Começamos a partir das 11h e nom faltarám música ao vivo, comida e bebida.

O 17 de Maio estaremos mais umha vez presentes em Compostela, defendendo a nossa língua. Desta volta assistimos para participar na manifestaçom convocada pola plataforma da que fazemos parte, Galego Sempre Mais.

Tedes toda a informaçom aqui: http://www.galegosempremais.net/

O Sábado 25 de Abril celebramos no Local Social o 35 aniversário da revoluçom dos cravos. Será a partir das 22h com umha ceia de graça com bolinhos de bacalhau, caldo verde, tortilha e vinho e todo esto acompanhado de música portuguesa. A crise nom é excusa para ficar na casa, o custo é de 0€.

O Domingo saímos de roteiro. Poderemos reflexionar sobre os previsíveis excessos da noite anterior conhecendo boa parte dos fermosos rios e montes de Mondariz no roteiro que leva esse nome. Saímos às 11h do Local Social. Nom faltes.

14 de Março tinha lugar reuniom para dar umha resposta unitária do conjunto do reintegracionismo à grave situaçom de retrocesso do nosso idioma macional. Realizada nas instalaçons do centro social compostelano Gentalha do Pichel, assistiu ampla representaçom do movimento reintegracionista do País.

Leia mais »

Na sexta-feira 27 de Março às 20:30h terá lugar no Local Social Baiuca Vermelha umha palestra-colóquio com a presença da histórica dirigente do Sindicato Labrego Galego Lídia Senra.

Falara-nos sobre o tipo de alimentos que mercamos e consumimos, qual é a origem desses produtos (agricultura industrial e produtivista, transgénicos...). E por outra banda, quê alternativas há desde o ponto de vista dumha agricultura labrega e centrada no País.

Convidamos-te a participar, conhecer e debater a respeito desta questom.

Leia mais »

O 31 de Outubro na Praça da Igreja terá lugar a celebraçom da tradicional festa do Samaim organizada pola Assembleia Aberta do Local Social Baiuca Vermelha. No caso de chuva, a festa será no Pavilhom "das monjas".

Para @s antig@s, o tempo de Samaim marcava o fim da época luminosa do ano e o começo do tempo escuro. Assim representa o trânsito entre a vida (o Verao) e morte (o Inverno) intercambiando-se o mundo humano com o mundo divino. O Samaim é umha tradiçom própria da Europa Ocidental e estendia-se por Galiza, Portugal, norte da península Ibérica e Irlanda, Bretanha, Escócia,... Assim na Galiza era tradicional fazer caveiras com cabaças e colocá-las em caminhos escuros, deixar pam e vinho na noite de defuntos para que as ánimas pudessem gozar dos bens da terra. Em muitos lugares ficava a lareira prendida. Esta tradiçom milenária fica hoje, bem no esquecemento, bem colonizada polo Halloween.
A partir das 17h iniciará-se o obradoiro de cabaças onde todas e todos poderemos deixar voar a imaginaçom na procura da cabaça mais original.

Mais tarde, a partir das 21h, comezará o serám do Samaim onde vários grupos de música tradicional porám os sons à esta mágica jornada.

Haverá também castanhas e vinho e chocolate e rosca para as músicas e os músicos.

Animamos-vos a participar desta jornada.

Desde o dia 1 de Outubro, a Baiuca Vermelha abre as suas portas a partir das 18h, adiantando assim a hora de abertura em três horas com respeito ao horário de verao. O novo horário estará em vigor ao longo das estaçons de outono e inverno.