« ¿Olivenza española o portuguesa?A imprensa mente quando quer »

El rincón ecológicu

14-07-2005

Link permanente 17:23:01, por Ibérico Email , 424 palavras, 293 leituras   Português (PT)
Categorias: Extremadura

El rincón ecológicu

Link: http://www.my-forum.org/mensajes.php?nforo=49035

TEXTO ENVIADO PELOS AMIGOS DE CAMPILLO DE LLERENA (em estremenho).

EL RINCÓN ECOLÓGICU

¿POLQUÉ ODIAUS EL BOSQUI?

Continua:

Endi la terraza de la mi casa, tengo qu´ achinal los ojus pa conseguil vel árbulis. Endi jaci un pal de sigrus, o mejol un pal de mileñus, la caraiterística principal de la muestra civilización es aceal los bosquis. Habemus pasáu d´ utilizal los recursus naturalis de los árbulis de forma sostenía (maera, carbón, corchu, hojas, frutus, sombra) a la caza indiscriminá del muestru pairi bosqui, de la muestra mairi selva.

El sigru XX, lu encetamus tirandu la casa pola ventana. En veci de repobral lu robáu a la naturaleza, sustituyíamus lu autóctono polu forastereu. Desechamus las ancinas y los álamus, pa apairinal eucaliptus y pinus. Largamus de casa a los muestrus pairis y trayemus pairis nuevus que no palran el muestru idioma.

Siempri habemus detestáu a los árbulis. Forma parti de la muestra forma de vía y ansina nus luci el pelu. Nunca habemus síu escapacis de comprendel que l´árbol atrae a la lluvia, que las raícis sostriban la tierra y evitan l´erosión. El pairi bosqui, qu´abrigaba a los desheredáu n´ épocas de jambrina, qu´ ofreció abrigá a los milicianus en tiempus de posguerra, que nus ha arropáu, vestíu y alimentáu duranti milenta d´añus, se ve abangáu pol esta generación imberbi y vanidosa.

Los apopus que solemus ofreceli a un árbol es rajal la su corteza con una navaja, pa imprimil el muestru nombri renti a un horterísimu corazón. Los árbulis tamién se han utilizáu pa otrus usus igualmenti alecionaoris: la su utilización comu perchas pa colgal a los galgus jubiláus, o comu panelis pa craval chapas de cotus cinegéticus.

Las pocas tradicionis conas que contamus se basan nel dañu gratuitu infringíu a una probi ancina, qu´ observa comu unus desalmáus llamáus quintus, l´arrancan de cuaju a demostral un “vaiti a sabel” sobri la valentía.

Mientras el deporti regional acontini siendu la tala de árbulis pa facilital siembras inútilis y arrecogía indiscriminá de subvencionis, el muestru juturu sedrá siempri sinónimu de sequía y de mala suerti.

Endi esti rincón de tierras roturás, almientá Estremaúra, se guitea que la única solución posibli pa la conservación de los muestrus cuitaínus bosquis es la despobración. Pa jimplal abondu.

Sem feedback para este post ainda

Deixe o seu comentário


Seu endereço de e-mail não será mostrado no site.

Sua URL será exibida.
(Quebras de linha se tornam <br />)
(Nome, e-mail & website)
(Permitir que usuários o contatem através de um formulário (seu e-mail não será exibido.))
Paranóias ibéricas. Liberdade de expressão. Oliventinismos e oliventinices. Imprensa e mentiras dela, e verdades também. Rebuliço temático. Gaspachos vários. Acracias diversas. Etc. Aberto a todos. Condição: respeito e bom humor.
Novembro 2014
Seg Ter Qua Qui Sex Sab Dom
 << <   > >>
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Busca

Arquivos

Feeds XML

Ferramentas do usuário

powered by b2evolution free blog software