canta o merlo

Noam Chomsky

Primeiro, devemos ter claro que o capitalismo nom pode terminar, porque nunca começou. O sistema no que vivemos deve se chamar capitalismo de Estado, nom simplesmente capitalismo. No caso de Estados Unidos, a economia apoia-se muito fortemente no sector estatal. Polo momento, há muita angústia sobre a socializaçom da economia, mas isso é só umha broma pesada. A economia avançada, a alta tecnologia e similares sempre dependeram amplamente do sector dinâmico da economia estatal. É o caso da informática, a Internet, os avions, a biotecnologia, quase todo o que está à vista. O MIT (Massachusetts Institute of Technology), de onde lhe estou a falar, é umha espécie de funil, na qual o público verte o dinheiro e de ali sai à tecnologia do futuro, que será entregada ao poder privado para que saque os ganhos. Entom temos um sistema de socializaçom dos custos e riscos e privatizaçom do benefício. E isso nom só no sistema financeiro, senom em toda a economia avançada.

De maneira que, para o sistema financeiro, provavelmente o resultado será mais ou menos como o descreve Stiglitz. É o final de umha verdadeira era da liberalizaçom financeira conduzida polo fundamentalismo de mercado. O Wall Street Journal lamenta que Wall Street como a conhecemos desapareceu com o derrube da banca de investimento. E daram-se alguns passos para a regulaçom. Isso é verdadeiro. Nom obstante, as propostas que se estám a formular, por extensas e severas que sejam nom mudam a estrutura das instituiçons básicas subjacentes. Nom há nengumha ameaça ao capitalismo de Estado. Suas instituiçons fundamentais seguírom sendo as mesmas, quiçá inclusive sem nengumha mudança. Podem reacomodar-se de várias maneiras, alguns conglomerados poderiam absorver outros, alguns inclusive poderiam ser semi-nacionalizados tibiamente, sem que isso afecte maiormente a monopolizaçom privada da tomada de decisons. Porém, tal como vam as cousas, as relaçons de propriedade e a distribuiçom de poder e riqueza nom mudaram significativamente; conquanto a era do neoliberalismo, vigente desde faz uns trinta e cinco anos, seguramente será modificada de maneira significativa. Seja dito de passagem, ninguém sabe que tam grave voltar-se-á esta crise. A cada dia traz novas surpresas. Alguns economistas estám a predizer umha verdadeira catástrofe. Outros pensam que pode ser remendada com um transtorno modesto e umha recessom, que provavelmente será pior em Europa que em EE. UU. Mas ninguém sabe.