SAQUEIO PLANETÁRIO: Os bancos salvam-se a si mesmos
20-07-2009
SAQUEIO PLANETÁRIO: Os bancos salvam-se a si mesmos
Iar-noticias
Festa dos "resgates": A economia USA derruba-se dançando no Titanic da Bolsa
O custo deste monumental negócio capitalista com a "crise económica" (que já se exporta desde EEUU e Europa aos países da periferia da Ásia, África e América Latina) é financiado com o dinheiro dos impostos pagos polo conjunto da sociedade.
Os bilionários pacotes de estímulo com fundos públicos (dinheiro dos impostos) lançados polos governos centrais tem ido a parar aos mercados financeiros criando umha "borbulha" especulativa que fai subir as carteiras desde há quatro meses, enquanto o resto da economia, principalmente em EEUU e Europa, desabam-se com baixa do consumo e despedimentos de trabalhadores de jeito maciço.. Pola sua vez, a especulaçom desatada com os fundos públicos impacta no custo dos alimentos e da energia gerando inflaçom e aprofundando a baixa do consumo, retroalimentando a sua vez o processo recessivo na economia USA, que se derruba dançando no Titanic da "euforia da Bolsa".
Trata-se, em soma, de umha "socializaçom das perdas" para subsidiar um "novo ciclo de ganhos privadas" com o Estado como ferramenta de execuçom, mediante o qual os mega consórcios mais fortes (os ganhadores da crise) se deglutem aos mais débeis e geram um novo processo de reestruturaçom e concentraçom do sistema capitalista.
Mediante o "resgate financeiro", os Estados imperiais USA-UE reciclam umha nova "borbulha" de ganâncias nom já com dinheiro especulativo proveniente do sector privado, senom que ponhem compulsivamente os recursos públicos ao serviço de um novo ciclo de rentabilidade capitalista à margem de umha ascendente crise da economia real que marcha por via paralela.
Neste cenário, um relatório oficial difundido no domingo demonstra que os fundos bilionários dos estímulos nom fôrom utilizados para umha reactivaçom da economia real (traduzida em créditos para o consumo e a geraçom de empregos) senom que foram utilizados polo conjunto das entidades bancárias USA como ferramenta de capitalizaçom e de especulaçom no mercado financeiro.
Sem comentários ainda
