canta o merlo

Oficializa-se a denúncia para que detenham ao Papa por encobridor de pedófilos

Insurgente.org

Umha dúzia de organizaçons feministas e de homossexuais do País Basco tenhem apresentado umha denúncia contra o Papa Benedito XVI, na que solicitam a sua detençom "em território espanhol" por "encobrimento de pedófilos de jeito sistemático e organizado".

Comenta a denúncia, registada o passado dia 11 ante o Julgado de Guarda de Sam Sebastiam, alude aos casos de pederastia ocorrido no seio da Igreja católica e lembra que "nom existe imunidade dos chefes de Estado sobre actos que representem crimes de lesa humanidade".

O texto lembra que "qualquer tribunal pode exercer a jurisdiçom universal" sobre delitos como "os actos generalizados de tortura, abusos sexuais e encobrimento dos mesmos, apologia da misoginia e a homofobia e perseguiçom por motivos políticos, étnicos, de género ou de orientaçom sexual".

O escrito exige às instituiçons públicas que a Igreja católica "deixe de receber dinheiro público, que aos seus agentes nom se lhes permita achegar aos menores de idade, e que a sua hierarquia seja investigada por possíveis crimes contra a humanidade".

Finalmente, a denúncia reclama que se proceda à detençom e ingresso em prisom sem fiança" de Joseph Ratzinger "até a celebraçom do julgamento onde se dite sentença conforme proceda em Direito".