CANTA O MERLO: A NATO leva três guerras no que vai de século XXI
19-09-2011
CANTA O MERLO: A NATO leva três guerras no que vai de século XXI
Alfredo Jalife
A NATO leva três guerras no que vai de século XXI: Afeganistám, montada numha grande mentira como a de 11 de Setembro de 2001; Iraque, com a descarada mentira das armas de destruiçom maciça que nunca tivo Saddam Hussein; e Líbia, outra grande mentira. Percebamos que a NATO nom se vai a basear na verdade, senom nas mentiras. O banco da NATO. Assim há que vê-lo. A NATO é um banco crebado. Toda a banca de Estados Unidos, Gram-Bretanha e França estám crebadas, na insolvência.
Estados Unidos "mente sobre as suas finanças, mente sobre as suas contas, fai guerras mentindo", "Enquanto ainda tem poderio é na globalizaçom financeira se nom se desbanca ao dólar, e na desinformaçom se nom temos meios alternativos globais". Nom deixa de perguntar-se "quantas Líbias necessita a banca da NATO para tapar o seu buraco negro financeiro", e responde-se: As potências saírom a buscar recursos onde estejam.
A NATO é um banco. O primeiro que fixo foi capturar os recursos financeiros de Líbia, mediante os fundos soberanos de riqueza (sorte de Fonden que recolhe os excedentes do petróleo), que consistiam em 165 mil milhons de dólares; já os podárom, e dizem que nada mais há 50 mil milhons. Seguro que lhe botarám a culpa à família Gaddafi e dirám que os enterrou no deserto. Também tomou as reservas de divisas, que som as que, polo PIB, veio acumulando o país, e que o Banco Mundial aceita que som de 150 mil milhons de dólares. Logo estám as 155 toneladas de ouro.
"Nom é gratuito que à operaçom da NATO chamem-na a Odisseia" "É como o saqueio da Ilíada e a Odisseia. Para mim é muito claro: é o saqueio do botim da riqueza".
O ataque contra Líbia é dinheiro. É o saqueio absoluto. O dinheiro, em curto prazo, que o necessitam Estados Unidos e Europa para se ressarcir das perdas que tivérom pola crise de 2008. Os bancos estám na insolvência. E logo, o petróleo, o gás e a água. E depois, é umha cabeça de praia para a NATO poder ter o Africacom em Líbia, cuja sede estava na Alemanha porque nengum país aceitou-o. Nom esqueça que houvo operativos terrestres clandestinos do Exército de Estados Unidos, Gram-Bretanha e França em Líbia.
Sem comentários ainda
