CANTA O MERLO: O PSOE, o a traiçom permanente às classes trabalhadoras. O sistema de mísseis da NATO que o PSOE instala em ROTA vai dirigido contra o Norte de África.
06-10-2011
CANTA O MERLO: O PSOE, o a traiçom permanente às classes trabalhadoras. O sistema de mísseis da NATO que o PSOE instala em ROTA vai dirigido contra o Norte de África.
O denominado ?escudo anti-míssies? tratasse dumha tecnologia desenvolvida inicialmente polo governo de George Bush para rechaçar supostos ataques contra EEUU de mísseis procedentes do Irám ou da República Democrática Popular de Coreia. Este mecanismo militar, que recupera a doutrina da ?guerra das galáxias? de Reagan e vulnera os acordos de desarmamento, ainda vigentes, entre a antiga URSS e EEUU, e supostamente foi abandonado em 2009 por decisom de Obama.
Ante esta situaçom, o governo de Zapatero, o governo do PSOE, repete mais umha vez o seu tradicional papel de fantoche do imperialismo e firme defensor dos interesses da oligarquia, mediante outra cessom de soberania à NATO, ferramenta criminal ao serviço das aspiraçons de domínio mundial de EEUU.
A notícia de que a base militar de Rota será integrada no sistema do escudo, assim como a possível posta a disposiçom de outras unidades militares, supom um passo mais na total integraçom da capacidade militar espanhola nas estruturas imperialistas anglo-sionistas, facto precedido pola participaçom das tropas espanholas em todas as operaçons de saque e pilhagem dos últimos anos em lugares como Líbia, Kosovo, Iraque ou Afeganistám. A base de Rota converte-se deste jeito em peça essencial da estrutura militar norte-americana para a África (AFRICOM), via pola qual a oligarquia espanhola tratará de incrementar a sua intervençom nas crescentes contradiçons interimperialistas e processos convulsos que se dom no sul do Mediterráneo e África.
O escudo anti-míssies de EEUU, agora apresentado como da NATO, supom umha nova mascarada por meio da qual se pretende confundir e enganar aos povos. Enquadra-se dentro da dinâmica de unidade e luta na que estám envolvidas as diferentes potências imperialistas e onde a Uniom Europeia, com umha capacidade militar muito inferior aos EEUU e incapaz de adoptar umha posiçom autónoma como polo imperialista, opta ser subsidiária dos USA na pugna frente a outras potências como Rússia e China, objectivos últimos da estratégia geo-estratégica e militar da NATO.
Sem comentários ainda
