http://leonorenlibia.blogspot.com/
Estamos a viver umha nova tentativa dos agressores de manipular a situaçom em Líbia para poder dar outro salto. Sabemos que os agressores da organizaçom armada estám a utilizar o controlo dos médios de comunicaçom e a manipulaçom como ferramenta de guerra, ademais do assédio, as bombas, milhares de mercenários de todo mundo e a armada mais grande do mundo frente a um país de só 6 milhons de habitantes e já mataram mais de 1% da populaçom. Que em Espanha equivaleria a matar 500.000 pessoas.
Nom esqueçamos que a grande maioria som civis incluindo crianças, idosos, mulheres,...
-Os bombardeios aumentárom enquanto falam de que se retiram os avions porque findárom as missons.
-Ameaça aos líbios. Os que fagam telefonemas internacionais serám localizados com os GPS dos telefones, para logo executa-los.
-Cortárom as comunicaçons normais telefónicas, inclusive as que foram reparadas nas últimas semanas.
-Desembarco demais tropas de mercenários e a UN aprova a entrada em Líbia dos "capacetes azuis".
-Agressons desumanas e inimagináveis às cidades de civis de Sirte e Beni Walit acompanhadas de assédio à povoaçom.
Os agressores falam de liberdade e democracia enquanto entram nas cidades com listas para assassinar aos sublinhados, matam, roubam,...
A NATO realizou já mais de 25.500 saídas e mais de 9500 bombardeios sobre Líbia e os líbios: "para proteger-lhes". Ademais dos mísseis dirigidos desde o mar ao país soberano Líbia e os líbios.