canta o merlo

12/07/12.-Com umha média nacional que se situa em 26,4 por cento, Espanha alcançou o maior índice de Miséria de toda a Europa, assim o revelou nesta quinta-feira um estudo da Associaçom de Grandes Empresas de Trabalho Temporária (Agett). Apontado em diferentes meios nacionais e internacionais, a investigaçom, que cruza as taxas de desemprego e inflaçom para conhecer o deterioro dos níveis de vida dos espanhóis, destaca que a taxa de miséria incrementou-se 15,5 por cento em cinco anos, já que em 2007 calculava-se em 10,89 por cento.

O estudo também precisa que o crescimento do desemprego subiu case 16 pontos, enquanto que a inflaçom reduziu-se 0,47 por cento. Nesta linha, no último ano o índice avançou 1,62 por cento, porque o desemprego cresceu 3,15 pontos e a inflaçom caiu 1,53 por cento; destaca o estudo.

Dividida em comunidades, Andaluzia (sul) é a que regista umha maior taxa; na que case 35 por cento da populaçom vive na miséria. Seguidamente estám Estremadura (sudoeste) e Canárias (ilhas), com taxas superiores a 33 por cento. Em tanto, à beira oposto situa ao País Basco, onde a miséria afecta a 15 por cento dos cidadaos, case 10 pontos por baixo da média nacional.

"A situaçom também é mais favorável em Navarra (norte), Cantabria (norte) e Aragón (nordés)", agrega o texto do Agett que sustém que "evidentemente, as enormes diferenças que existem entre os Índices de Miséria entre umhas comunidades autónomas e outras consiste essencialmente no deterioro do mercado de trabalho".