CANTA O MERLO: PP, PSOE, UPyD e CiU rejeitam que o Governo demande a Israel por destruir o aeroporto de Gaza pago por Espanha

24-10-2014

  06:05:37, por Corral   , 300 palavras  
Categorias: Novas

CANTA O MERLO: PP, PSOE, UPyD e CiU rejeitam que o Governo demande a Israel por destruir o aeroporto de Gaza pago por Espanha

http://www.elespiadigital.com/

PP, PSOE, UPyD e CiU rejeitárom nesta quarta-feira no Congresso pedir ao Governo que demande a Israel danos e prejuízos por destruir o aeroporto de Gaza, que foi financiado por Espanha, durante a sua última ofensiva contra a Franja, tal e como expunha a iniciativa registada por oito partidos da oposiçom, que se debateu na Comissom de Assuntos Exteriores.

O texto apresentou-se baixo auspicio do Bloco Nacionalista Galego (BNG) e foi assinado também polo grupo da Esquerda Plural (EU-ICV-TE A) e Amaiur, Nova Canárias (NC), Compromís-Equo e Geroa Bai, adscritas ao Grupo Misto.

Em concreto, estes partidos propunham exigir a Israel danos e prejuízos pola destruiçom do aeroporto de Gaza por ser umha infra-estrutura "imprescindível para romper o isolamento que vive a populaçom na Franja".

Abstençom do PNV

Enquanto que PP, PSOE, UPyD e CiU optárom polo voto negativo, o PNV decantou-se pola abstençom, porque, segundo o seu porta-voz Aitor Esteban, "quiçá haja que exigir a Israel que participe na reconstruçom de Gaza", tendo em conta de que foi "a criança que rompeu o brinquedo".

As formaçons signatárias reclamavam também que o Executivo promovesse a suspensom do acordo de associaçom que a Uniom Europeia tem subscrito com Israel desde 1995 sobre a base de que este país incorre numha "vulneraçom flagrante do artigo 2" desse acordo que obriga aos seus assinantes "a respeitar os princípios democráticos e os Direitos Humanos". Contodo, este pedido nom contou com o apoio de nengum dos demais partidos.

E também nom saiu adiante --pola rejeiçom do resto de grupos, salvo o PSOE que optou pola abstençom-- a reclamaçom de que se suspenda o comércio de armas entre o Estado espanhol e o israelense, enquanto Israel nom cumpra com a legislaçom internacional estabelecida em matéria de Direitos Humanos, e com as disposiçons recolhidas nas Convençons de Genebra.

Sem comentários ainda

Março 2024
Seg Ter Qua Qui Sex Sab Dom
 << <   > >>
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Busca

  Feeds XML

Ferramentas de administração

powered by b2evolution free blog software