Trazemos mais umha publicaçom da Artábria em formato digital de fácil leitura on line: Conhecermos Carvalho Calero, publicada em papel no ano 2000, coincidindo na altura com o décimo aniversário do intelectual ferrolano.

Clica em cima para aumentares o tamanho da janela veres a publicaçom mais ao perto.

Tendo conhecimento de que, mais umha vez, a Real Academia Galega voltou a rejeitar a proposta realizada pola nossa entidade, e apoiada por tantas outras associaçons, instituiçons, partidos, sindicatos, centros sociais, centros de ensino, etc, que durante o último ano reclamamos um reconhecimento institucional para um dos grandes do século XX galego, a Fundaçom Artábria anuncia que desde hoje mesmo começa umha nova campanha para pedir que o ano 2010, em que se cumpre o 1º centenário do nascimento de Ricardo Carvalho Calero.

Full story »

Oferecemos-vos o artigo publicado na publicaçom Abrente, editada por Primeira Linha. Nele, Maurício Castro apresenta de maneira divulgativa um percurso biográfico e polas ideias lingüisticas de Ricardo Carvalho Calero, aderindo assim à campanha por um Dia das Letras para o autor ferrolano. Podes descarregar também a versom do artigo em PDF, clicando aqui.

Full story »

Reproduzimos o artigo assinado por Xosé Maria Dobarro, catedrático de Literatura Galega na Universidade da Corunha, publicado hoje mesmo polo Diario de Ferrol, em que manifesta abertamente o seu apoio à nossa campanha por um Dia das Letras para Carvalho Calero.

Full story »

As adesons à campanha posta em andamento pola Fundaçom Artábria nom param de crescer. Colectivos e pessoas do País todo apoiam umha reivindicaçom de justiça para um dos grandes da Galiza do século XX: Ricardo Carvalho Calero. Os dous últimos aderentes por enquanto som o escritor Henrique da Costa, ferrolano e ganhador por duas vezes do prémio de criaçom narrativa que leva o nome de Carvalho Calero (nos anos 1993 e 1995), e o principal biógrafo de Carvalho Calero, discípulo dele e continuador do legado intelectual do velho professor: José-Martinho Montero Santalha, ganhador também em duas ocasions do prémio que leva o nome do seu mestre, numha ocasiom no capítulo de Criaçom, com a obra 'Oxalá voltassem tempos idos!' e noutra ocasiom no capítulo de ensaio com 'Carvalho Calero e a sua obra'. Os dous, Henrique da Costa e José-Martinho Montero Santalha, quigérom manifestar o seu apoio à nossa campanha, o que muito agradecemos.

Para isso servírom as Jornadas 'Carvalho Calero no século XX galego', que findárom ontem mesmo, após três tardes e umha manhá de análise e divulgaçom, por parte de especialistas na matéria, das diferentes parcelas do rico pensamento do autor e intelectual ferrolano.

Full story »

Alguns meios de comunicaçom anunciam na ediçom de ontem que, finalmente, o actual governo municipal ferrolano parece disposto a adquirir como propriedade pública a casa natal de Ricardo Carvalho Calero, velha reivindicaçom da Fundaçom Artábria e de outros colectivos e sectores da nossa cidade.

Full story »

O passado dia 17 a Associaçom Cultural A Revira celebrava o Dia das Letras em Ponte Vedra. Dentro das diversas actividades que organizarom houvo um espaço dedicado a apoiar e difundir a campanha para que o Dia das Letras 2009 seja dedicado ao professor Ricardo Carvalho Calero.

Com motivo da comemoraçom do dia das Letras Galegas membros da Assembleia Aberta do Local Social Baiuca Vermelha realizarom um mural solicitando em apoio da campanha para que o dia das Letras Galegas de 2009 seja dedicado a Carvalho Calero.

Por iniciativa de diferentes colectivos e centros sociais reintegracionistas da capital da Galiza, neste 17 de Maio houvo umha concentraçom de adesom à campanha por um Dia das Letras para o intelectual ferrolano. A Fundaçom Artábria estivo representada na concentraçom polo companheiro Maurício Castro, que dirigiu umhas palavras às pessoas concentradas. Queremos daqui agradecer a iniciativa dos companheiros e companheiras da Gentalha do Pichel, do Centro Social Henriqueta Outeiro, da Casa Encantada e do MDL.