« Acto público conjunto Artábria-AGAL dedicado a Carvalho Calero na próxima quinta-feira

Apelo da Fundaçom Artábria ao Governo municipal de Ferrol: Para quando o Dia das Letras a Carvalho?

A nossa Comissom de Língua volta a dirigir-se à instituiçom municipal ferrolana para que, por sua vez, se dirija à Real Academia Galega pedindo que o Dia das Letras de 2009 seja dedicado a Carvalho Calero. Podes ler a proposta na íntegra clicando abaixo.

Consideraçons prévias

A Real Academia Galega (RAG) decidiu no Plenário decorrido no dia 30 de Junho dedicar o Dia das Letras Galegas de 2008 a Xosé María Álvarez Blázquez.

Nada temos contra a eleiçom do escritor, investigador e militante galeguista nascido em Tui em 1915 e falecido em Vigo no ano 1985, tal como nada tivemos contra a homenagem a Maria Marinho na passada ediçom do dia grande das nossas Letras.

No entanto, da Fundaçom Artábria nom podemos deixar de lembrar a dívida pendente de todas as instituiçons públicas da Galiza com o professor ferrolano Ricardo Carvalho Calero, umha das mais destacadas figuras do século XX galego, autor que cultivou todos os géneros literários, o ensaio filológico e a primeira cátedra de Língua e Literatura Galegas.

Falecido em 1990, a nossa entidade, e outras muitas, tenhem repetidamente insistido nos últimos 17 anos na necessidade de um reconhecimento a Carvalho, representante do nacionalismo histórico comprometido com a causa antifascista e defensor da unidade lingüística galego-portuguesa.

A própria Fundaçom Artábria entregou em mao anos atrás, a Xesus Alonso Montero, como representante da RAG, o pedido formal de que o Dia das Letras fosse dedicado ao erudito ferrolano. Dias antes da decisom do Plenário da RAG, no passado mês de Junho, trascendeu na imprensa essa possibilidade, mas seguramente a insubornável e comprometida figura de Carvalho Calero, sempre condenada ao ostracismo polo poder autonómico, é ainda indigerível para a própria Real Academia Galega, cujos membros reconhecem o “obstáculo” que supom o reintegracionismo militante do velho professor.

Proposta

A mudança de governo em Ferrol é umha nova ocasiom para que a instituiçom municipal do nosso concelho se manifeste solenemente em prol do reconhecimento do grande intelectual ferrolano. Para tal, a Fundaçom Artábria propom ao novo governo municipal que leve ao Pleno um chamado institucional para que o Dia das Letras de 2009 seja por fim dedicado ao ferrolano Ricardo Carvalho Calero.

Além da solene declaraçom, a instituiçom municipal encarregará-se de fazer chegar à RAG o pedido de que essa entidade lhe dedique por fim o 17 de Maio.

Da Fundaçom Artábria, nom deixaremos de insistir na necessidade de que, contra todo e qualquer sectarismo, seja justamente reconhecido o papel histórico de Ricardo Carvalho Calero como defensor e cultivador das nossas letras e do nosso idioma nacional.

Por isso esperamos umha resposta positiva a esta proposta. É de justiça.

Comissom de Língua da Fundaçom Artábria
Ferrol, Terra de Trasancos (Galiza)
22 de Julho de 2007

" Escrito ?s 17:14:11 nas castegorias: Adesons

Endereço de trackback para este post

Trackback URL (clique direito e copie atalho/localizaçom do link)

Sem comentários ainda

A Fundaçom Artábria leva mais de umha década a reivindicar um reconhecimento nacional para a obra de um dos grandes intelectuais galegos do século XX. Neste ano, voltamos a dirigir-nos à Real Academia Galega (RAG)para lhe pedir que dedique por fim um Dia das Letras a Ricardo Carvalho Calero: o do próximo ano 2009. Neste blogue, informamos do decorrer da campanha, das adesons, iniciativas e novidades neste longo caminho até conseguirmos, a partir da sua cidade natal e com o apoio de toda a Galiza, o reconhecimento que Carvalho Calero merece.

Março 2024
Seg Ter Qua Qui Sex Sab Dom
 << <   > >>
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Busca

  Feeds XML

blog soft