A Fundaçom Artábria voltará a reivindicar a memória de Ricardo Carvalho Calero e da sua obra, como vimos fazendo cada ano quando se cumpre um novo aniversário do seu falecimento, em 1990. Mais umha vez, na terça-feira dia 25 de Março, realizaremos umha oferta floral na casa natal do intelectual ferrolano, na rua Sam Francisco do bairro de Ferrol Velho, a partir das 20h30.

A seguir, ofereceremos uns petiscos no nosso Centro Social, na Travessa de Batalhons, número 7, no bairro de Esteiro.

Neste ano, a comemoraçom coincide com a campanha que a nossa entidade desenvolve para que a Real Academia Galega reconheça por fim a importáncia de Carvalho Calero dedicando-lhe o Dia das Letras do ano próximo, umha campanha que conta já com numerosas e variadas adesons que coincidem em denunciar o silenciamento de que Carvalho tem sido vítima nas últimas décadas, devido à sua firme defesa da unidade lingüística galego-portuguesa.

Esperamos contar com a presença de muitos ferrolanos e ferrolanas para um novo reconhecimento a Carvalho Calero por parte da sua cidade natal.