Últimos dias para participar no Voluntariado pola Língua

Últimos dias para participar no Voluntariado pola Língua

Escrito em 30-01-2007 Categorias: Iniciativas

Falta já pouco para acabar o prazo de participaçom no «Voluntariado pola língua», o programa de pares de conversa para favorecer a adquisiçom do galego que organizamos em parceria o grupo local da AGAL em Compostela e a Gentalha do Pichel.

Vamos explicar brevemento o funcionamento desta iniciativa. Consiste em pôr em contacto pessoas que usam habitualmente o galego com pessoas que nom só nom o usam, como também tenhem dificuldades para o empregarem, por nom o dominarem nem encontrarem um ámbito para se lançarem a usá-lo. Cada par (um voluntário ou voluntária e um/ha aprendente) compromete-se a combinar um mínimo de dez encontros de umha hora (mais ou menos um por semana durante três meses) para que o ou a aprendente poda manter umhas primeiras conversas em galego que favorecerám a sua instalaçom na nossa língua.

Logótipo do Voluntariado pola Língua

A ideia do Voluntariado havia anos que se estava a promover com êxito noutros países europeus, juntando dezenas de milhares de pares lingüísticos. À Galiza chegou atrasado, mas nom tarde. Com ele será possível dar um ámbito de aquisiçom da nossa língua a pessoas que, querendo dar passos nesse sentido, nom disponhem de um ambiente propício para a usarem, quer por terem limitado as suas relaçons pessoais a espaços maioritariamente castelhanófonos quer por terem aterrado no nosso país há pouco tempo.

Aos e às aprendentes só se exige que compreendam minimamente o galego, e aos voluntários e voluntárias a responsabilidade de utilizarem um galego da melhor qualidade possível nesses encontros.

Como participar?

Basta dirigir-se a um dos locais anunciados nos cartazes e trípticos do Voluntariado pola Língua e preencher umha ficha com o nome, a idade, a nacionalidade e os conhecimentos prévios de galego, especificando se se pretende participar como voluntário/voluntária ou como aprendente. Quem se apontar receberá um telefonema quando aparecer um par apropriado para o seu caso. A comunicaçom da coordenaçom do programa com cada participante produzirá-se via e-mail -ou telefone, segundo o caso. Depois de cada temporada do Voluntariado, os colectivos promotores organizarám umha festa convívio para valorizar todas as experiências.

Para inscrever-te podes dirigir-te aos seguinte locais ou escrever um e-mail para compostela[arroba]agal-gz.org. Também podes telefonar aos seguintes números de telefone para proporcionar os teus dados: 696 026 002 (AGAL) ou 629 577 607 (Gentalha). Por último, tens a possibilidade de participar preenchendo um formulario similar a este que poderás atopar no local social A Gentalha do Pichel (rua Santa Clara, n.º 21).

+ Relacionado:
- Voluntariado pola Língua en marcha (artigo no PGL)
- Últimos dias para se apontar ao Voluntariado pola Língua (artigo no blogue da Gentalha)
- Folha de inscriçom (em formato PDF)

Sem comentários ainda


ASSINE AS NOSSAS NOTÍCIAS
RSS RSS
Março 2024
Seg Ter Qua Qui Sex Sab Dom
 << <   > >>
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31