No topo blogue do Dia do Orgulho Lusista e Reintegrata (co-organizado pola AGAL) podeis encontar um cronómetro que indica o tempo que resta para o início da data grande do ludo-reintegracionismo

No resto do sítio figuram a repercussom mediática, participaçom cidadã e programa dos festejos para o DdoOLeR '08!

Faltam apenas três dias para um dos encontros ressaltados no calendário reintegracionista. Este sábado, dia 16 de Fevereiro, terá lugar o encontro "Somando Esforços pola Língua", a partir das 10 horas no Museu Verbum Casa das Palavras (www.verbum.vigo.org). Ao redor de um centenar de pessoas já confirmaram a sua assistência a um evento com intervenientes de primeiro nível. E tu, vais assistir?

De AGAL-Compostela convidamos-te a participares num encontro no que terám notável participaçom sócias e sócios da nossa comarca como Beatriz Bieites e Eduardo Maragoto. Lembra que se desejas confirmar a tua participaçom deves ligar o antes possível para o telefone 661 418 661 ou enviar umha mensagem-e para quaisquer um dos seguintes correios electrónicos: presidencia[arroba]agal-gz.org ou abanhos.gz[arroba]gmail.com.

«Cumpre ser mui generoso para ser reintegracionista». Som as palavras de Xurxo Souto, actor e músico e actual responsável do departamento de Programas da Rádio Galega. O polifacético corunhês é entrevistado neste número 22 do boletim lingüístico «Constantinopla», editado polo grupo local da AGAL em Compostela.

Este último número está cheio de conteúdos de enorme interesse. Continuamos com as dicas para melhorarmos a qualidade do nosso galego, neste caso com umha entrega sobre o uso correcto dos pronomes 'te' e 'che'. Como em números anteriores, João Aveledo realiza uma 'viagem' internacional para nos achegar exemplos normativizadores (ou nom) de outras latitudes, desta volta centrando-se na Checoslováquia.

Já na secçom «Porquê sou reintegrata?», José Ramom Pichel explica-nos os motivos polos que apoia as teses reintegracionistas. Completam os conteúdos a secçom de humor e o habitual percurso pola actualidade lingüística recente.

Este último número pode ser conferido aqui.

• Dia: 8 de Novembro de 2007 (quinta-feira)
• Hora: 14h20 a 16h15
• Lugar: restaurante C&B (rua Vista Alegre n.º 58, Santiago de Compostela) [ver mapa]
• Assunto: 2ª reuniom de AGAL-Compostela para o curso 2007-2008

Para receber um correio com as ordens de trabalho ou quaisquer outras questões, é favor enviar uma mensagem-e para compostela[arroba]agal-gz.org

Ontem realizou-se em Compostela o lançamento do último livro de José Alberte Corral, Buracos no Espelho. O acto estivo organizado polo grupo compostelano da AGAL e pola associaçom cultural A Gentalha do Pichel.

A apresentaçom correu por conta do jornalista Joel R. Gômez, quem recomendou efusivamente a leitura de um livro que considera «dentre todos os de Corral, o que melhor atinge os seus objectivos».

No Portal Galego da Língua publica-se umha crónica do acto com material gráfico e adiovisual.

O grupo compostelano da AGAL acaba de editar o n.º 21 do boletim digital «Constantinopla». O editorial do novo número, Com orgulho, sem complexos: em galego!, salienta o sucesso organizativo, de participaçom e de presença nos meios de comunicaçom do I Dia do Orgulho Lusista e Reintegrata, co-organizado por AGAL-Compostela. Devido a que a nova entrega do boletim coincide com o Dia da Pátria, no editorial apela-se a reivindicar com orgulho o idioma também o 25 de Julho e o resto do ano, «sem complexos».

Este último número pode ser conferido aqui.

Quando ainda faltam duas horas para a hora-agá, recebemos mais uma notícia positiva: o programa As Quimbambas, da Rádio Galega, dedicou-lhe boa parte da sua programaçom de abertura ao Dia Mundial da Toalha e, como nom, a este encontro luso-reintegrata, sendo o 'prato forte' uma entrevista com o nosso companheiro e amigo Suso Sanmartin.

E vós, a que esperais? Ide preparando as toalhas!!!

O grupo compostelano da AGAL acaba de editar o n.º 20 do boletim digital «Constantinopla». Nesta ocasiom, a publicaçom põe em destaque a designaçom de Maria Marinho como a escritora à qual se dedica o Dia das Letras deste ano, mas denunciando a hipocrisia que ao mesmo tempo marginaliza o reintegracionismo ou permite que confessos perseguidores do galego ou antigalegos como Francisco Franco, Manuel Fraga, Emilia Pardo Bazán ou Camilo José Cela sejam ainda hoje membros honoríficos da Real Academia Galega.

Este último número pode ser conferido aqui.