• Membros de AGAL em Compostela como Beatriz Bieites ou Eduardo Maragoto também participarám no encontro

Faltam apenas três dias para um dos encontros ressaltados no calendário reintegracionista. Este sábado, dia 16 de Fevereiro, terá lugar o encontro "Somando Esforços pola Língua", a partir das 10 horas no Museu Verbum Casa das Palavras (www.verbum.vigo.org). Ao redor de um centenar de pessoas já confirmaram a sua assistência a um evento com intervenientes de primeiro nível. E tu, vais assistir?

De AGAL-Compostela convidamos-te a participares num encontro no que terám notável participaçom sócias e sócios da nossa comarca como Beatriz Bieites e Eduardo Maragoto. Lembra que se desejas confirmar a tua participaçom deves ligar o antes possível para o telefone 661 418 661 ou enviar umha mensagem-e para quaisquer um dos seguintes correios electrónicos: presidencia[arroba]agal-gz.org ou abanhos.gz[arroba]gmail.com.

Leia mais »

CONVOCATÓRIA

• Dia: 8 de Novembro de 2007 (quinta-feira)
• Hora: 14h20 a 16h15
• Lugar: restaurante C&B (rua Vista Alegre n.º 58, Santiago de Compostela) [ver mapa]
• Assunto: 2ª reuniom de AGAL-Compostela para o curso 2007-2008

Para receber um correio com as ordens de trabalho ou quaisquer outras questões, é favor enviar uma mensagem-e para compostela[arroba]agal-gz.org

O escritor assistiu em Compostela ao lançamento do seu último livro, Buracos no Espelho, apresentado polo jornalista Joel R. Gômez

Ontem realizou-se em Compostela o lançamento do último livro de José Alberte Corral, Buracos no Espelho. O acto estivo organizado polo grupo compostelano da AGAL e pola associaçom cultural A Gentalha do Pichel.

A apresentaçom correu por conta do jornalista Joel R. Gômez, quem recomendou efusivamente a leitura de um livro que considera «dentre todos os de Corral, o que melhor atinge os seus objectivos».

No Portal Galego da Língua publica-se umha crónica do acto com material gráfico e adiovisual.

Por fim chegou o I Dia do Orgulho Lusista e Reintegrata, que como já sabeis promovem diferentes associações de base, entre elas o grupo de Compostela da Associaçom Galega da Língua.

Quando ainda faltam duas horas para a hora-agá, recebemos mais uma notícia positiva: o programa As Quimbambas, da Rádio Galega, dedicou-lhe boa parte da sua programaçom de abertura ao Dia Mundial da Toalha e, como nom, a este encontro luso-reintegrata, sendo o 'prato forte' uma entrevista com o nosso companheiro e amigo Suso Sanmartin.

E vós, a que esperais? Ide preparando as toalhas!!!

• O Conselho presidido por Bernardo Penabade continuará em funções

As sócias e sócios da Associaçom Galega da Língua (AGAL) estavam convocados para as assembleias geral e extraordinária que tivérom lugar na Faculdade de Filologia de Compostela no sábado 14 de Abril de 2007. A ordem do dia da assembleia extraordinária consistia na eleiçom de um novo conselho para a AGAL.

Porém, a única lista que se apresentou nom conseguiu o mínimo de 2/3 (dous terços) dos votos necessários. Por esse motivo, a candidatura foi rejeitada e continuará em funções o conselho presidido por Bernardo Penabade até a convocatória de novas eleições.

Leia mais »

As sócias e sócios da Associaçom Galega da Língua (AGAL) estám convocadas para as assembleias geral e extraordinária que terám lugar em Compostela no sábado 14 de Abril de 2007 no salom de actos da Faculdade de Filologia (Avda. de Castelão s/n). A seguir, reproduzimos as ordens de trabalhos.

Assembleia geral ordinária (11:00)
1.- Leitura e aprovaçom, se proceder, da acta da assembleia anterior.
2.- Aprovaçom das contas do exercício económico de 2006.
3.- Correcçom de Erros no texto de Estatutos validada pola Junta da Galiza.
4.- Perguntas e sugestões.
NOTA IMPORTANTE: comunica-se que o estado de contas do ano 2006, cuja cópia será repartida na assembleia, está a dispor das pessoas associadas que o solicitarem no correio electrónico tesouraria[arroba]agal-gz.org

Assembleia geral extraordinária (12:00)
1.- Eleiçom do Conselho da AGAL
a) Apresentaçom de candidaturas.
b) Debate (ou, no seu caso, explicaçom de programa e respostas às perguntas da assembleia).
c) Votaçom.
d) Escrutínio.
e) Proclamaçom do novo Conselho.

A Associaçom Galega da Língua (AGAL), umha associaçom sem ânimo lucrativo, legalmente constituída em 1981, que visa a plena normalizaçom do Galego-Português da Galiza e a sua reintegraçom no âmbito lingüístico a que historicamente pertence: o galego-luso-brasileiro.

Associar-se à AGAL é muito simples. A forma mais cómoda é preencher o nosso formulário electrónico e enviá-lo com apenas uns cliques.

Umha outra forma é preencher a ficha de inscriçom que colocamos afinal deste artigo e enviá-la para o seguinte endereço:

Associaçom Galega da Língua. Apartado dos Correios, 453. 32080 Ourense (GALIZA).

No caso de dúvidas, podeis solicitar informaçom e/ou esclarecimentos no correio-e compostela(arroba)agal-gz(ponto)org, no telefone +34 988 441 109 ou no fax +34 986 438 856.

Folha de inscriçom para a Associaçom Galega da Língua (PDF)

O grupo compostelano da Associaçom Galega da Língua (AGAL) estreia o seu blogue. Desde já, neste espaço virtual podereis conhecer o trabalho desenvolvido polas companheiras e companheiros que trabalham na capital do País.

Se quigerdes informaçom sobre a nossa associaçom, como associar-se, iniciativas nas que estamos trabalhando, participar nas reuniões ou quaisquer outros temas, podeis contactar-nos correio electrónico compostela[arroba]agal-gz.org