Link: http://diadatoalha08.agal-gz.org

No topo blogue do Dia do Orgulho Lusista e Reintegrata (co-organizado pola AGAL) podeis encontar um cronómetro que indica o tempo que resta para o início da data grande do ludo-reintegracionismo

No resto do sítio figuram a repercussom mediática, participaçom cidadã e programa dos festejos para o DdoOLeR '08!

• Membros de AGAL em Compostela como Beatriz Bieites ou Eduardo Maragoto também participarám no encontro

Faltam apenas três dias para um dos encontros ressaltados no calendário reintegracionista. Este sábado, dia 16 de Fevereiro, terá lugar o encontro "Somando Esforços pola Língua", a partir das 10 horas no Museu Verbum Casa das Palavras (www.verbum.vigo.org). Ao redor de um centenar de pessoas já confirmaram a sua assistência a um evento com intervenientes de primeiro nível. E tu, vais assistir?

De AGAL-Compostela convidamos-te a participares num encontro no que terám notável participaçom sócias e sócios da nossa comarca como Beatriz Bieites e Eduardo Maragoto. Lembra que se desejas confirmar a tua participaçom deves ligar o antes possível para o telefone 661 418 661 ou enviar umha mensagem-e para quaisquer um dos seguintes correios electrónicos: presidencia[arroba]agal-gz.org ou abanhos.gz[arroba]gmail.com.

Leia mais »

O escritor assistiu em Compostela ao lançamento do seu último livro, Buracos no Espelho, apresentado polo jornalista Joel R. Gômez

Ontem realizou-se em Compostela o lançamento do último livro de José Alberte Corral, Buracos no Espelho. O acto estivo organizado polo grupo compostelano da AGAL e pola associaçom cultural A Gentalha do Pichel.

A apresentaçom correu por conta do jornalista Joel R. Gômez, quem recomendou efusivamente a leitura de um livro que considera «dentre todos os de Corral, o que melhor atinge os seus objectivos».

No Portal Galego da Língua publica-se umha crónica do acto com material gráfico e adiovisual.

• Colaboram na organizaçom o Movimento Defesa da Língua, a Gentalha do Pichel e a Rádio Kalimera.

No vindouro 25 de Maio, por sétimo ano consecutivo, o planeta Terra celebrará o Dia da Toalha em homenagem póstuma ao saudoso criador d'O Guia do Mochileiro das Galáxias, Douglas Adams.

No ano passado o 25 de Maio foi declarado polo frikismo hispano Dia del Orgullo Friki, que este ano celebrar-se-á no Reino de Espanha pela segunda vez.

Da nossa parte orgulhamo-nos em anunciar que o vindouro 25 de Maio o luso-reintegracionismo galego (na vanguarda do frikismo toalheiro) celebrará em Compostela, pela primeira vez na sua história, o Dia do Orgulho Lusista e Reintegrata (D. do O.L. e R.).

Leia mais »

A passada sexta-feira apresentou-se em Compostela a campanha de Voluntariado Lingüístico que organizam em colaboraçom o grupo compostelano da Associaçom Galega da Língua e a Gentalha do Pichel. A iniciativa normalizadora está integrada por quase um cento de pessoas, em total 44 ensinantes, 44 apreendentes e pessoas da organizaçom das duas associações. O acto de apresentaçom foi noticiado pola Rádio Galega.

Leia mais »

Falta já pouco para acabar o prazo de participaçom no «Voluntariado pola língua», o programa de pares de conversa para favorecer a adquisiçom do galego que organizamos em parceria o grupo local da AGAL em Compostela e a Gentalha do Pichel.

Vamos explicar brevemento o funcionamento desta iniciativa. Consiste em pôr em contacto pessoas que usam habitualmente o galego com pessoas que nom só nom o usam, como também tenhem dificuldades para o empregarem, por nom o dominarem nem encontrarem um ámbito para se lançarem a usá-lo. Cada par (um voluntário ou voluntária e um/ha aprendente) compromete-se a combinar um mínimo de dez encontros de umha hora (mais ou menos um por semana durante três meses) para que o ou a aprendente poda manter umhas primeiras conversas em galego que favorecerám a sua instalaçom na nossa língua.

Leia mais »