Páginas: 1 2 3 4 5 6 7 8 9 10 11 ... 78 >>

07-03-2017

  09:28:00, por csggaioso, 106 palavras  
Categorias: Associaçom

8M: Homenagem a Amada Garcia

Março 2017

Depois de realizarmos um mural no nosso bairro em homenagem ao Dia Internacional da Mulher Trabalhadora, continuamos a atividade à volta desta jornada.

Esta vez será a jovem comunista, feminista e independentista galega Rosa Casais quem virá de Mugardos a falar-nos sobre outra comunista mugardesa, a fusilada Amada Garcia, cuja memória se conserva tam fraca na Espanha post-franquista em que vivemos.

Será a partir das 21h no nosso local, na Rua Marcóni.

A breve palestra de Rosa, introdutória à figura da sua vizinha, acompanhará-se da inauguraçom do mural em homenagem à própria Amada que teremos a partir deste mês, junto a Reboiras, no nosso local.

10-02-2017

  00:54:00, por csggaioso, 101 palavras  
Categorias: Associaçom

Volvem as FOLIADAS POPULARES

Fevereiro 2017

Umha das festas mais exitosas de sempre no nosso local foram as Foliadas. Desaparecidas durante meses, queremos recuperá-las com um pulo espetacular: a presença do grupo de jovens da comarca Dequenvessendo, intérpretes de música tradicional e amadores como poucos das peças e dos ritmos de aqui e de alá.

Mas a ideia nom é irmos vê-los como num concerto. Eles amenizarám o evento. A ideia é somar-nos e tocar, cantar, dançar e aturuxar livremente, com a coordenaçom que a espontaneidade imponha.

Abrimos às 21 horas, e a partir das 21h30 o local irá-se enchendo de solfejo e acordes o espaço. Anima-te!

  00:28:00, por csggaioso, 134 palavras  
Categorias: Associaçom

Queremos umha Semente na Corunha!

Fevereiro 2017

O percurso das escolas Semente começou em Compostela há uns anos. Neste tempo, nom só afiançou a sua presença na capital do País; também se estendeu com demandas de emulaçom a Vigo, Trasancos, Lugo... e agora a Corunha!

Um grupo de pessoas da nossa comarca quer organizar-se para dar luz a esse sonhadíssimo projeto de termos umha escola popular monolíngue, social, ambientalista e nom sexista. E escolhérom o nosso Centro Social para reunir-se e falar deste projeto.

Nom sós, nom. Com todas aquelas pessoas que tiverdes algo que achegar a este necessário propósito. Fam falta maos nos mais variados terrenos: educativo, artístico, técnico, doméstico... Há muitas tarefas que cobrir para poder erguer um projeto que cuide das crianças.

Este sábado às 17h podes vir ao Gaioso e trocar ideias com outras pessoas interessadas.

01-02-2017

  11:01:00, por csggaioso, 215 palavras  
Categorias: Associaçom

Palestra sobre a especulaçom em Oleiros e Corunha

Fevereiro 2017

O nosso Centro Social, com vocaçom integradora de toda a comarca corunhesa e preocupado com as situaçons de injustiça e espólio em toda ela, organiza para sexta-feira dia 3 de fevereiro umha palestra com três ponentes locais. Dous da cidade capital, e um da vizinha Oleiros.

Será às 20h30 no nosso local, na Rua Marcóni, 9, rés-do-chao.

O dous primeiros, Manuel Monge e Anxo Varela, som membros da Comissom Aberta em Defesa do Comum, que leva meses a coordenar informaçom e atividades contra a atuaçom especulativa da Autoridade Portuária (e nem só) com terrenos em possessom.

O derradeiro, Ramiro Vidal, preside o coletivo Santa Cruz Aberta ao Mar, que procura deitar luz e involucrar o povo oleirense na decisom do concelho de autorizar a construçom dumha mole hosteleira na parcela em primeira linha sobre a praia onde o antigo hotel Máxi.

Ambas situaçons concernem todos e todas. Afetam-nos porquanto estabelecem critérios de atuaçom institucional sobre pedaços de território em que as autoridades negoceiam com capital privado em lugar de procurar o interesse comum. Processos obscuros de mercantilizaçom de espaços mui simbólicos à margem da necessidade popular de protagonizar a construçom da sua própria vila.

Queremos escuitá-los e escuitar-nos. Queremos achegar e queremos decidir. A nossa Corunha, o nosso Oleiros, som nossos e queremos imginá-los e construi-los.

18-10-2016

  10:41:00, por csggaioso, 60 palavras  
Categorias: Associaçom

TOTEM E TABU. Mitos e médias verdades sobre a doença mental.

Outubro 2016

Palestra da psiquiatra Íria Veiga, membro da Coordenadora do Movimento Galego de Saúde Mental.
Falará-nos sobre o quê é e o quê nom é umha doença mental. Sobre a psiquiatria como disciplina. E sobre as questons sociais e políticas relacionadas com esta matéria na Galiza de hoje.

Será na sexta-feira dia 21 (venres) a partir das 20h30

Entrada de balde.

1 2 3 4 5 6 7 8 9 10 11 ... 78 >>

Quem Somos?

Esta entidade nasce com a ideia de integrar todas aquelas pessoas que, de forma aberta, se quigerem implicar na dinamizaçom deste espaço, que visa organizar iniciativas alternativas que pulem pola transformaçom da realidade em que nos desenvolvemos. + info

gomesgaioso@gmail.com

Biografia Gomes Gaioso

Ferramentas administrativas

Busca

free blog