Páginas: 1 2 3 4 5 6 7 8 9 10 11 ... 74 >>

26-04-2016

  15:54:00, por csggaioso, 122 palavras  
Categorias: Associaçom

Apresentaçom de livro com foliada

Onde? Centro Social Gomes Gaioso. Rua Marcóni, 9, rés-do-chao. Atochas. Corunha
Que? Apresentaçom da obra de prisom do preso independentista Carlos Calvo Varela, com colóquio e foliada com Xurxo Suto e Os Musicantes
Quando? Sexta-feira (venres) 29 às 20h30

https://www.facebook.com/events/618213754997196/

Próxima sexta-feira (venres) dia 29, o Centro Social contará com a presença do coletivo Através editora e a Rede de Apoio a Carlos Calvo Varela. A editora e as amizades falarám do conteúdo e as circunstáncias presidiárias e políticas que envolvem a publicaçom da obra "Diários" do jovem ordense.

Graças aos Musicantes e Xurxo Souto, a apresentaçom nom ficará numha palestra, mas também contará com umha parte lúdica e musical.

Esperamos-vos na solidariedade desta jornada antirepressiva e de difusom da cultura e o pensamento críticos.

12-04-2016

  16:03:00, por csggaioso, 256 palavras  
Categorias: Associaçom

Abril. 8 anos.

Abril 2016

Este mês tam invernal que estamos a ter é o do nosso oitavo aniversário. Abril de 2016 representa 8 anos de bagagem no trabalho coletivo pola construçom dum espaço de pensamento e açom alternativas na cidade da Corunha. Desde a identidade comunista, feminista e independentista, orgulhamo-nos de ter facilitado este espaço durante este tempo. Comprometemo-nos a mais anos, mais trabalho e mais rede de coesom com os movimentos populares e os demais locais sociais rebeldes da cidade.

Este mês introduzimos no cartaz das nossas atividades "muito circo". Porque por compromisso com a Liga Gallaecia, tínhamos que acolher de forma obrigatória umha jornada no primeiro fim-de-semana do mês, e teremos umha no penúltimo. E nada nos alegra mais que este circo tam sam, misto, popular, galego e nom profissional. Polo terceiro ano de Liga, de novo voltará a finalizar na Corunha. Mais umha vez a estampa da Torre será o fundo dum campeonato que pola primeira vez tem adquirido Condado FG.

Isso será no finde do dia 23. Para o próximo temos a visita do Davide Salvado, reconhecido cantor nacional, promessa em pé do canto nacional. Será na sexta 16 às 22h polo preço de 5? com aforo restringido à capacidade do local.

Para rematar o mês, sexta-feira 29 às 20h30 teremos umha festa com apresentaçom do livro do preso político independentista Carlos Calvo Varela. Sim, lestes bem. Já vos daremos mais detalhes mas nom será umha simples e aborrecida apresentaçom dum livro, nom. O coletivo de apoio ao Carlos vai-nos deleitar com toda umha celebraçom.

Anota-o na tua agenda.
Aí vamos!

17-03-2016

  10:56:00, por csggaioso, 117 palavras  
Categorias: Associaçom

Sam Martinho's Day

Março 2016

Hoje quinta-feira e amanhá sexta-feira o Gomes Gaioso adere à iniciativa de vários Centros Sociais do País e renderemos a homenagem galega aos santos que marcárom a ferro a nossa herança cultural, impondo a religiom católica, arrasando com as identidades populares e pagás, e absorvendo todo o que delas ficou.

O Sam Patrício celebrado comercialmente por todo o mundo, e com origem na Irlanda, coincide com apenas três dias de diferença com a festividade de Sam Martinho de Dume, o apóstolo d@s suev@s. Dias 17 e 20 de março respetivamente.

Teremos chupinhos suevos, sairemos ao pé da Torre donde partiu Ith, filho de Breogám, para conquistar a Irlanda, e escuitaremos música celta. Aconselhamos-vos virdes "disfarçad@s" para a ocasiom.

26-02-2016

  10:22:00, por csggaioso, 137 palavras  
Categorias: Associaçom

Derradeira atividade das Jornadas Feministas

Fevereiro 2016

Sábado 27 rematam as sucedidas Jornadas Feministas que ao longo deste mês tenhem deixado muitas horas de convívio nos três Centros Sociais da cidade.

Para pôr fim, momentaneamente, à reivindicaçom feminista com estas atividades, sábado a partir das 20h abrimos o local para acolher umha noitinha multidisciplinar em fotografia, vídeo, atuaçom em vivo e gastronomia.

"As três tenebrosas co Aturuxo Conachil" serám as encarregadas de representar ao vivo, enquanto a arte fotográfica cobrirá as paredes do local com imagens sobre o micromachismos quotidiananos. Também sobre o ecrám se projetarám vídeos caseiros com representaçom de situaçons quotidianas referidas ao machismo invisível e ordinário.

Para acompanhar tanta expressom artística, haverá petiscos.

Agradecemos as mulheres que contárom connosco, o Centro Social A Comuna e o Ateneu Libertário Xosé Tarrio por ter feito possível esta demonstraçom de força feminista. Avante companheiras!

25-01-2016

  12:25:00, por csggaioso, 111 palavras  
Categorias: Associaçom

Entruido 2016: compadres, comadres, ceia e mais...

Janeiro 2016

Durante as próximas semanas o Entruido volve ao bairro mais carnavalesco da Corunha. O nosso.

Por segundo ano consecutivo celebraremos esta mesma semana a Quinta de Compadres, com todos e todas obrigadas a vir disfarçados com motivos próprios da vestimenta masculina, contemporánea ou nom. E na seguinte semana, Quinta de Comadres, com a jornada dedicada ao disfarce com motivos femininos.

Ainda, na quinta 28 haverá a grande Ceia de Entruido às 22 horas: lacom com grelos, bebida, sobre-mesa de filhoas e café por apenas 10? por pessoa. O trabalho e os benefícios serám repartidos entre o Centro Social e a nossa equipa de futebol gaélico, o Cascarilha.

Aponta-te! Participa do entruido popular corunhês!

1 2 3 4 5 6 7 8 9 10 11 ... 74 >>

Quem Somos?

Esta entidade nasce com a ideia de integrar todas aquelas pessoas que, de forma aberta, se quigerem implicar na dinamizaçom deste espaço, que visa organizar iniciativas alternativas que pulem pola transformaçom da realidade em que nos desenvolvemos. + info

gomesgaioso@gmail.com

Biografia Gomes Gaioso

Ferramentas administrativas

Busca

free blog