A partir do 25 de Agosto, projectaremos umha série de filmes para um posterior debate sobre questons relativas ao direito. Os filmes serám comentados por Oscar Amor Lopes, licenciado em Direito. No dia 25, o tema será "O aborto e as agressons sexuais"

Veste as tuas melhores galas heavies-metalúrgicas na festa que o 14 de Agosto teremos no Gaioso. Os clássicos do heavy metal soarám na nossa parelhagem, num universo de guedelhas e ferralha nas casacas. Esses cornos!!! Scream for me, Corunha!!!

Seminário de língua e cursos intensivos de pandeireta e dança tradicional!!! O Seminário, que versará em concreto sobre a normativa AGAL, está previsto se celebre o 5 e 6 de Agosto. Os cursos de dança e de pandeireta começam no dia 3 de Agosto, para durarem todo o mês impartilhando-se as terças e quintas. Solicita informaçom no nosso local ou no telefone 699227028

Quais som os interesses políticos, económicos ou de qualquer outra índole que há ´trás da teima de reimplantar as touradas na Galiza? Sobre este tema, com a presença de membros da plataforma "Galiza, melhor sem touradas", debatiremos no Centro Social Gomes Gaioso no dia 31 à partir das 20:30 horas.

Vem e aporta o teu ponto de vista.

Centro Social Gomes Gaioso
Rua Marconi, 9
A Corunha

Em Abril o Gaioso cumpriu dous anos de existência. Neste tempo o projecto acumulou novas sócias e sócios e sobretodo muitas amigas e amigos.

Em dous anos –ainda que já desde um ano atrás se vinham fazendo actos públicos- levamos a cabo actos de protesto e lúdicos na rua, assim como roteiros fora da cidade, e no nosso local realizamos palestras, obradoiros, cursos, exposiçons, actos solidários com pessoas e povos, festas, concursos, recitais, apresentaçons de livros, cedimos o local para outras entidades, fijo-se teatro e tivérom lugar actuaçons musicais, etc. Portanto nom há dúvida de que valorizamos o tempo que tem de vida o Gaioso e consideramos acertada a análise inicial de que era necessário este projecto apesar de existirem outras associaçons semelhantes na Corunha. Para já podedes visitar o nosso local e ver a exposiçom fotográfica que mostram todo o comentado sobre as nossas actividades.

Por isto, do Gomes Gaioso, queremo-vos convidar a que estejades connosco no vindouro sábado 17, para que tomemos algo todos juntos, falemos, para que nos fagades propostas, para que venhades com o vosso instrumento musical e montemos umha boa foliada.

Esperamos-vos sábado 17 a partir das 21h00. Vemo-nos.

No dia 1 de Julho, terá lugar no Centro Social Gomes Gaioso a projecçom do documentário "Entre Línguas", autoria do colectivo Glu-Glu. A projecçom adiara-se com motivo da manifestaçom contra a Reforma Laboral convocada pola CIG recentemente. A hora de começo será as 20:30.

No dia 2, à mesma hora, terá lugar um debate sobre "O desporto feminino na Galiza", no que participarám a corredora de four cross Eva Castro e Pili Neira, seleccionadora galega de futebol.

Maribolheras Precárias organiza, com o apoio de numerosos colectivos de índole diversa, umha jornada de luita e festa para o dia 26 que começará às 20 horas no Campo de Marte de Monte Alto, de onde sairá umha manifestaçom. O Centro Social Gomes Gaioso estará alí e chama aos sectores mais conscientes do povo corunhês a participarem na jornada, precisamente num tempo em que a igreja e os lobbies neocons pretendem atacar todas as conquistas do movimento GLTQM e retroceder a tempos nos que as maneiras de viver e manifestar a sexualidade diferentes à norma estabelecida eram consideradas como enfermidade ou como pecado. Também assinalar que os actos desta jornada de luita e festa organizados por Maribolheras Precárias som os únicos com cariz realmente reivindicativo, em contraste com outros actos organizados por outros colectivos que agem em consonáncia com interesses partidários antes do que outra cousa.

O Centro Social Gomes Gaioso e o Bar Cúrcuma organizam o dia 23 a festa do solstício de verao. Será na rua Marcóni que a partir das 21h00 poderedes desfrutar de sardinhas e churrasco de graça e celebrar connosco a entrada do verao

Na quinta-feira 17 o nosso centro social abrirá as suas portas ao término da manifestaçom que a CIG convoca contra a reforma laboral. Esta manifestaçom sairá às 20h00 da praça da Palhoça e o Centro Social nom abrirá até que finalize o acto para favorecer a assistência como é já costume em nós. É por isto que a projecçom do documentário Entre Línguas se adia para a quinta-feira 1 de julho às 20h30.

Na quinta-feira 17 projectará-se no nosso centro social o documentário Entre Línguas. Este documentário entrevista pessoas de vilas que estám no Estado espanhol e que som fronteirizas com a faixa leste de Portugal, nestas vilas fala-se português e dam-se entre estas pessoas e as e os galegos interessantes concomitáncias lingüísticas sobre as que é interessante reflectir.

A projecçom será às 20h30.