Esta entidade nasce com a ideia de integrar todas aquelas pessoas que, de forma aberta, se quigerem implicar na dinamizaçom deste espaço alternativo, que tem por fim organizar iniciativas alternativas que pulem pola transformaçom da realidade em que nos desenvolvemos. Somos um projecto enquadrado em parámetros revolucionários da esquerda soberanista.

O Gomes Gaioso é um espaço plural e de confluência para @s que luitamos pola Independência da Galiza; polo Socialismo como única alternativa possível às condiçons materias e valores que o capitalismo gera; pola aboliçom do patriarcado e a clara igualdade entre mulheres e homens; por umha democracia real, popular e participativa; polo monolingüísmo social e reintegracionismo lingüístico para atingir a plena normalizaçom lingüística e galeguizaçom do País; polo compromisso com o meio ambiente; por umha cultura democrática e popular de e para nós própri@s à margem dos meios de comunicaçom e das instituiçons; pola aboliçom dos exércitos ao serviço do Capital; por umha sexualidade livre; pola solidariedade internacionalista com aqueles povos que como o nosso luitam pola sua liberdade e emancipaçom.

Apostamos pola autogestom do nosso centro social, sem negar os referentes políticos globais dos movimentos sociais, imprescindíveis para transformar a realidade que queremos combater.

A tomada de decisons funciona de um jeito horizontal e democrático para convertermos o Centro num espaço livre de opressons de todo o tipo como as que podamos encontrar no centro de trabalho, no centro de ensino, na morada, etc.; apostamos por converter o nosso centro em mais um ponto de referência para a cultura operária e transgressora; num espaço ao serviço dos movimentos sociais da comarca da Corunha; convertê-lo num espaço para a criaçom de um lazer alternativo, contrário ao modelo alienante e destrutivo que nos impom o capitalismo, convertê-lo em definitivo num espaço de luita ao serviço exclussivo do Povo Trabalhador Galego, das mulheres e da juventude.

Apostamos pola integraçom na luitas dos problemas do bairro e da Comarca para contribuir desde o imediato a transformar a realidade que queremos mudar.

Apostamos pola coordenaçom dos centros sociais da Galiza que trabalham por umha naçom livre, vermelha e lilás de forma nom excludente com quem esteja polo mesmo projecto.

Corunha, Galiza, ano de 2007