Se o 24 de Julho foi a nossa apariçom pública hoje queremos formalizar o nascimento do nosso projecto, o do Centro Social Gomes Gaioso.

Aparecemos em cena com a ideia fundamental de dotar Corunha de umha ferramenta sob o parámetro de esquerda soberanista, de pôr a disposiçom da Comarca e do bairro em que agimos um espaço com dinamismo e a força dos apoios que incem o projecto de actividades.

Agora mesmo é umha gestora que está a fazer a iniciativa realidade e em breve seremos muit@s mais.

Dentro dos parámetros políticos já citados o C.S. Gomes Gaioso nasce como umha entidade plural e o intuito de ser aberto a outros colectivos ou pessoas que quigerem compartilhar de algum jeito o que oferecemos, para assim dinamizar e estreitar os laços das redes populares da Corunha.

Por outra banda informamos de que esperamos inaugurar local à volta de Outubro e assim dotar o projecto da ferramenta necessária para fazer realidade todo o que vos contamos.

Por que Gomes Gaioso?

José Gomes Gaioso foi umha pessoa que morreu assassinado polo fascismo, para isso entregou à sua vida à defesa d@s trabalhadores/as, primeiro através do sindicalismo de classe, até chegar a ser o chefe político-militar da guerrilha galega antifascista. Passou a última etapa da sua vida na Corunha onde foi torturado e assassinado. Na nossa cidade é onde descansam os seus restos. Por todo isto quigemos recuperar a sua memória e dedicar ao nosso centro o seu nome.

Continuaremos dando conta de toda a informaçom que geremos.