Na passada quinta feira 18 de Outubro a gestora do centro social da esquerda independentista Gomes Gaioso organizava umha festa no bar Faluya para recadar fundos para o novo local.

A festa tivo um grande êxito e encheu o bar da rua do Orçám ao longo de toda a noite. O início que deu começo às 22 h contou com DJ Matherial que amenizou o ambiente com umha mestura de temas galegos e internacionais. Nom faltárom entre os temas escolhidos clássicos corunheses como Os Diplomáticos de Monte Alto ou O trem do ferrolano André do Barro que fôrom coreados polas pessoas presentes.

O dinheiro ganho será utilizado na íntegra para levar ao cabo os melhoramentos do espaço que o colectivo impulsionador do Gomes Gaioso abrirá na maior brevidade possível.

Só nos resta agradecer ao Carlos do Faluya a generosidade por deixar-nos realizar lá a festa e ao Matherial por fazer de umha simples noite umha autêntica festa. E, com certeza, obrigado a todos e todas vós por apoiardes esta iniciativa de construçom nacional chamada Gomes Gaioso.