O passado sábado 3 de Novembro o C.S.Gomes Gaioso levou avante o seu primeiro acto político, o da homenagem a José Gomes Gaioso que morrera um dia 6 de Novembro há 59 anos.

Meio centenar de pessoas dérom-se cita no cemitério de Santo Amaro para render homenagem a Gomes Gaioso. Estas partírom desde a entrada principal do cemitério seguindo a Monchinho do Orçám e Hugo que encabeçavam com a sua gaita e tamboril respectivamente a marcha à parcela 98 do cemitério civil.

Continua:

A seguir um membro da nossa Gestora apresentou o acto para dar passo à primeria intervençom, a de Manuel Monge em nome da Comissom pola Recuperaçom da Memória Histórica que falou da memória de G.Gaioso e de outros combatentes antifascistas caídos nas mesmas circunstáncias.

Logo fôrom os poetas Celso Álvares Cáccamo, Mário Herrero Valério, José Alberte Corral Igrejas e Ramiro Vidal Alvarinho que tivérom a palabra para dedicar à figura do Gaioso uns poemas.

Antes de encerrar o acto, membros do grupo A Quenlha, Mini, Mero e Marinha tocárom umhas peças musicais em homenagem a Ponte, Seoane e também ao nosso homenageado. A cançom inédita de Mini e Mero dedicada ao Gaioso foi preparada especialmente para o acto.

A oferta floral tivo lugar enquanto se entoava a Internacional, prelúdio do hino galego que encerrou o acto antes de que o apresentador em nome da Gestora convidara @s assistentes a participar dum jantar de confraternizaçom que havia ter lugar no nosso local, que ainda está a ser condicionado no mesmo bairro de Monte Alto.

O jantar deu passo a umha repichoca que serviu como ramo a esta jornada.

A Gestora quer agradecer a tod@s @s assistentes do sábado a sua participaçom e ter contribuído assim, em primeiro lugar, a homenagear a figura deste revolucionário galego, e, por outra banda, a ter favorecido o sucesso do nosso primeiro acto poltico.

Obrigado.

Gestora do C.S.Gomes Gaioso,
Corunha, 6 de Novembro de 2007.