« Último empurrom para abrir as portasDelegaçom do CS Gomes Gaioso participou na IV Assembleia Nacional de NÓS-UP »

Obras do local social avançam a bom ritmo

17-12-2007

  21:19:28, por csggaioso, 348 palavras  
Categorias: Actividades

Obras do local social avançam a bom ritmo

Nos últimos meses @s sóci@s do novo centro social corunhês realizámos um importante trabalho de acondicionamento com o intuito de abrir as portas do Gomes Gaioso a começos deste ano 2008.

O rés-do-chao em que estivemos a trabalhar carecia de zona de bar. Hoje já dispomos de um comprido balcom de madeira e um completo leque de estantes, gavetas e diversa mobília graças à impagável ajuda de companheiros do centro social trasanquês Artábria que se encarregárom da sua construçom.

Para além do balcom, pintárom-se as duas assoalhadas que vam acolher as mesas e cadeiras, a zona dos matraquilhos, e a sala do computador.
As cores escolhidas pol@s sócios fôrom as do logótipo da associaçom. Cores com as que também se pintou a casa de banho. Aliás, alargou-se a instalaçom eléctrica com novas tomadas e mais lámpadas para que o local conte num futuro com os suficientes candeeiros para a sua iluminaçom.

O centro social independentista também tem umha sala de actos em cujos melhoramentos se ham centrar os nossos vindouros esforços e umha biblioteca que conta já com volumes de literatura galega doados por escritores corunheses e editoriais galegas. Este lugar de leitura estará dedicado a livros de lazer exclusivamente em galego português e livros de análise marxista e anti capitalista também preferentemente na nossa língua.

Todo este trabalho está a ser realizado por soci@s e simpatizantes com grande esforço no seu tempo de lazer. No entanto nom avonda com o factor humano. As obras implicam um importante gasto de dinheiro que se está a conseguir graças às diferentes iniciativas económicas feitas desde o Centro Social, aos contributos de sóci@s e amig@s do centro e à venda de material. Por isto encarajamos a tod@s vós a achegardes o vosso graozinho de areia para que Corunha poda contar cum espaço de construçom nacional como o Gomes Gaioso. Obrigad@s.

Endereço de trackback para este post

Trackback URL (clique direito e copie atalho/localizaçom do link)

1 comentário

Comentário de: Ramom [Visitante]  
Ramom

Como vai isso?

Saúdos

09-01-2008 @ 00:14

Quem Somos?

Esta entidade nasce com a ideia de integrar todas aquelas pessoas que, de forma aberta, se quigerem implicar na dinamizaçom deste espaço, que visa organizar iniciativas alternativas que pulem pola transformaçom da realidade em que nos desenvolvemos. + info

gomesgaioso@gmail.com

Biografia Gomes Gaioso

Ferramentas administrativas

Busca

free blog