O escritor ferrolano Alberte Momán Noval estará o dia 30 de Maio às 20:30 horas no Centro Social Gomes Gaioso para apresentar o seu último romance, “O alento da musa”. Este trabalho narrativo desenvolve-se numha cidade tam agredida pola crise industrial como pode ser Vigo, localidade na que o autor residiu durante algum tempo.

Continua:

O protagonista sente-se engaiolado pola pessoa aparentemente insignificante de umha caixeira de um hipermercado. À partir daí vai imaginando o que poderia ser a história de alguém tam cinzento e esquecido. O próprio autor reconhece que a história tem traços auto-biográficos. Afinal do acto, também se lerám poemas do seu último livro electrónico, “Ferrol e o que queda por chover”.

Alberte Momán nasceu em Ferrol em 1976 e conta na sua trajectória literária com incursons na poesia, o teatro e a narraçom. Actualmente reside em Compostela e trabalha como engenheiro técnico agrícola.