O escritor ferrolano Alberte Momán estivo no Gomes Gaioso para falar-nos das suas criaçons mais recentes.. Com um verbo fluido, ameno, claro e preciso o Alberte nesmiuçou as entranhas do seu romance “O alento da musa”, a história de umha caixeira de supermercado que ao mesmo tempo poderia ser a história de qualquer de nós e portanto o retrato de umha classe.

Continua:

Alberte afirmou que ele nom concive a criaçom literária sem o referente de classe e sem o compromisso social, e que tratava de que em consonáncia com esta conceiçom fora também a maneira de publicar e comercializar a sua obra.

O acto acabou com a leitura de dous poemas de “Ferrol e o que queda por chover”, um livro que reivindica um Ferrol vivo e luitador, contraponto do Ferrol caduco e reaccionário que muitos tenhem como lugar comum.

O cerne da festa puxo-o a música jamaicana, da mao dos DJ’s Dani, The Mexican e Costrojan, com o apoio logístico de Pablo, do bar Soyuz e dos estudos de gravaçom Bonjan.