Umha inundaçom no segundo andar do prédio onde está sediado o Centro Social Gomes Gaioso, ocasionou alguns desperfeitos no local. As filtraçons de auga afectarom à instalaçom eléctrica e, por prudência, a assembleia decideu de urgência nom celebrar a festa prevista para o dia 24 e que o local permaneza fechado, quando menos até que os problemas com a corrente sejam subsanados, e o perigo de cortocircuito nom exista. Amanhá poremo-nos já maos à obra, para podermos abrir num prazo o mais breve possível de tempo.

Neste 24 de Fevereiro, se entrares no Gaioso, hás de ter a sensaçom de terdes voltado ao passado, ou se calhar nom tanto. A festa monárquico – benemérito – oitenteira, retrotrazerá-che a aqueles dias em odor de mostachos, tricórnios, coroas banhadas em licor e sangue, e decadente papel couché. Movidas rockeiras de cartom pedra, reconversons industriais. Bom, aqueles tempos nom tam pre´teritos, já que daquelas lamas...ainda fica o que fica. Lembra ir bem caracterizado, para nom desentoar...

Respostemos à repressom!!! Defender a língua nom é delito

Perante a brutal actuaçom da polícia espanhola contra activistas em favor da língua na manhá de ontem em Compostela, com o resultado de polo menos um ferido e várias pessoas contusionadas, além de dez detençons, o Centro Social Gomes Gaioso comunica que vai secundar a concentraçom prevista para hoje às 20 horas no Obelisco da Corunha, protestando contra a repressom e a criminalizaçom à que se está a ver submetido o corpo social defensor do galego na nossa terra e em especial contra a actuaçom policial no dia de ontem e pola liberdade das pessaos detidas.

Leia mais »

A organizaçom galegófoba e filo-fascista Galicia Bilingüe vai-se manifestar no 8 deste mês em Compostela. A manifestaçom está prevista para as 12 horas, com saída na Alameda. Este novo acto contra a língua galega tem o apoio explícito de duas forças políticas que saibamos: Unión Progreso y Democracia (o partido recentemente fundado por Rosa Díez e Fernando Savater) e o Partido Popular, que com a chegada de Núñez Feijoo à presidência da sua secçom galega, está a experimentar um escoramento cara a postulados claramente “pontofinalistas” no que a língua se refire. É portanto previsível a presença de cargos destes dous partidos políticos na manifestaçom. Nom seria de estranhar que outras sectas ultras do tipo Democracia Nacional ou as diferentes versons de Falange secundaram esta convocatória.

Leia mais »

Xoan Gabeiras e Laila Tellawi falarom no passado 31 de Janeiro no Gomes Gaioso sobre a situaçom na Palestina. A intervençom militar israelí em Gaza e os crimes de guerra alí perpetrados, aspectos inconfesáveis das relaçons entre Israel e Europa ou os Estados Unidos, a importáncia das mulheres na resistência palestiniana, a situaçom da mulher na sociedade palestiniana forom alguns dos temas tratados durante a conversa, que durou quase duas horas. Como ponto final da palestra Laila Tellawi e outra membro da directiva de Galiza por Palestina lerom um poema em árabe, acompanhado da sua traducçom ao galego.

A festa continuou com comida e música árabes, até o feche do local.