O poeta ferrolano Alberte Momán apresentará no Centro Social Gomes Gaioso o seu último poemário "A crise irreductible". Este escritor multidisciplinar, que já cultivou a narrativa longa e curta, o teatro, o artigo e a poesia, nasceu em Ferrol no ano 76, é engenheiro agrónomo de profissom e está considerado como umha das mais importantes novas vozes da literatura galega. A destacar que foi o primeiro autor da Biblioteca Virtual Galega, sítio web impulsionado a começos desta década pola Universidade da Corunha, que editou em solitário.

De Momán há que salientar a sua constante reivindicaçom das origens, tanto geográficas como de classe. O seu compromisso social e cultural é o que traça a sua trajectória artística desde um começo. Num princípio vinculado às Redes Escarlata, rompeu com este grupo por discrepáncias no seu funcionamento, apesar que tem ainda boas relaçons com alguns dos seus membros. Hoje colabora intensamente com o colectivo Incomunidade e com A Porta Verde do Séptimo Andar, grupo poético que já apresentou também a sua primeira ediçom colectiva no nosso Centro Social.