Alberte Momán apresentou no Centro Social Gomes Gaioso o seu livro "A Crise Irreductible". Um livro que contém três poemários num, escritos cada um em etapas diferentes da vida do autor, e que se refirem a aspectos diferentes das relaçons humanas, a questons referentes ao mundo da cultura galega ou inclusso poemas com conteúdo claramente político, mas sempre desde a experiência própria.

O Momán descreveu o seu livro como "incorrecto" e assinalou que esperava que provocasse polémica. Trás a apresentaçom e a leitura de vários poemas, surgiu um animado debate entre @s assistentes sobre temas como o mundo editorial galego, o estado da literatura galega, a propriedade intelectual...Momán relativizou a validez da associaçom entre fama e sucesso e também manifestou que muita da literatura que as editoras galegas potenciam nom lhe subscita interesse. Também assinalou que ele devia o seu ritmo de ediçom à sua aposta pola via do Creative Commons e a auto-ediçom.

Para nós, um prazer ter podido contar de novo com a presença deste escritor, que jamais perde nem o Norte nem as raízes.