No dia 23 tivo lugar em plena rua Marconi a festa de boas vindas ao Solstício em colaboraçom com o Restaurante Cúrcuma. Desde o solpor até bem entrada a madrugada, a carne e as sardinhas, regadas com vinho, puxerom-lhe sabor à celebraçom, enquanto sonava a música popular, que contribuia a sobir-lhe temperatura ao encontro. Três dias depois, ainda nom bem repostos da troula do Solstício, tivemos um acto divulgativo-solidário-festivo, no que dous companheiros irlandeses nos figerom umha introducçom à história da sua naçom, desde os albores do movimento republicano irlandês até os nossos dias. O evento tivo também, como costuma acontecer no Gaioso, a sua vertente musical e gastronómica.