O que é o magusto?

O magusto é umha festa popular galega dentro do ciclo anual correspondente ao Outono, do mesmo jeito que a véspera de defuntos (ou Samaim) e o Sam Martinho. A festa tem a ver com a colheita e matança do porco como preparaçom antes da chegada do frio e o inverno; e a castanha joga um papel fundamental; como um dos derradeiros produtos que oferece a terra.

Onde se celebra?

O Magusto celebra -se em toda a Galiza, com mais intensidade nas zonas de interior assim coma nas terras irredentas do Eu-Návia, Íbias, Berço, Seabra e Cabreira; também é senlheiro do norte de Portugal .

De onde vem esta celebraçom?
Os magusto tem a sua origem na pré-história do arco atlántico e outras áreas de cultura céltica.
É um jeito mais de adaptaçom e boa-vinda do antigo ano celta que começava ca Véspera de defuntos ou Samaím.

Como é que se celebra o magusto?

Tradicionalmente ao longo do mês de Novembro nas paróquias reunia-se a gente em torno à lareira de umha quintana ou a ceu descoberto com o lume como eixo central da celebraçom.
As mulheres jogavam o rol de apanhar as castanhas (Auténtica rainha do magusto) para partilhá-las entre todos os da festa; pola outra banda os homens traziam o vinho da nova temporada com a mesma finalidade.
As crianças aproveitavam as cabaças da véspera de defuntos ou Samaím e com pólas de castinheiro constroiam-lhe um corpo para apresentá-lo frente ao lume “regindo” assim toda a festa; aliás dedicavam-se a tingir as caras dos presentes com borralha da cacharela ou a fazer colares com as castanhas que estiveram “picadas”.
Os velhos contavam contos de meigas, da santa companha e outros animismos; ou mesmo as “atopadas” próprias co lobo (Sendo esta noite nalgumhas áreas da Galiza umha prolongaçom da Véspera de defuntos/Samaín ou mesmo o equivalente à própria festa)
Também se partilhava entre os vizinhos ou os presentes os chouriços das primeiras matanças e outras fressuras.
Nesta festa trata-se de reunir a comunidade da paróquia ou da aldeia, partilhando o que se tem como oferta para esquecer as velhas desputas entre vizinhos e fortalecer os laços de amizade de cara o inverno.

Alexandre Rios, processado pola sua participaçom nos protestos vizinhais contra as obras do campo de tiro da BRILAT em Ponte Vedra, falará desta luita popular e da repressom que conra ela se está a exercer nesta sexta feira às 20:30 no Gaioso.

A seguir, haverá festa-pinchada e heavy metal.

Por enquanto, garantimos a oferta de quatro cursos : galego (em norma AGAL ou do acordo internacional)éuscaro e pandeireta.

Éuscaro:Quintas de 19:30 a 21h.

Galego:Quartas de 18:30 a 20h.

Pandeireta:Terças de 21 a 22:30h.

Português:Segundas de 21 a 22:30h.

Som horários que podem sofrer modificaçons. Informa-te no nosso local na Rua Marconi nº 9 da Corunha ou chama ao tfn 637260659