Arquivos para: Maio 2011

26-05-2011

Link permanente 16:04:42, por csggaioso, 30 palavras, 673 visualizaçons   Português (GZ)
Categorias: Actividades

Atuaçom de Nelsom Quinteiro e Repichoca

Neste fim de semana, teremos atuaçom de Nelsom Quinteiro (Sexta Feira, às 21:30 horas) e repichoca (Sábado, às 21 horas) Como vedes, seguimos frenéticos de atividade, com quantidade e variedade de propostas!!!

19-05-2011

Link permanente 18:29:53, por csggaioso, 36 palavras, 341 visualizaçons   Português (GZ)
Categorias: Actividades

Concurso gastronómico

Neste 21 de Maio, de novo toca concurso gastronómico. O repto nesta ocasiom, elaborar umha refeiçom com os seguintes ingredientes obrigatórios: polo, tomate e berengela. Haverá prémios para @ primeir@ e segund@ classificad@. Tod@s a dar-lhe à imaginaçom!!!

16-05-2011

Link permanente 10:16:57, por csggaioso, 422 palavras, 282 visualizaçons   Português (GZ)
Categorias: Actividades

O Centro Social Gomes Gaioso, no 17 de Maio

O Centro Social Gomes Gaioso, no Dia das Letras Galegas

Neste Dia das Letras Galegas, queremos enviar umha afetuosa saudaçom a todas as entidades e indivíduos que defendem a língua galega com os factos. Àqueles e Àquelas que fam da língua umha forma de vida. Profissionais do ensino ou da investigaçom, entidades culturais diversas, organizaçons sociais, artistas e, sobretodo, pessoas que com a sua iniciativa pessoal desafiam todos os dias todo o tipo de mecanismos de coaçom e repressom contra o nosso direito a nos expressarmos em galego.

No meio de todas as cerimónias institucionais e atos populares, este 17 de maio marca ou deve marcar, para todo o corpo social que defende a língua própria do País, mais um ano de resistência. Apenas com a resistência teremos qualquer esperança de, num futuro, invertermos esta fatal tendência histórica que nos condena à desapariçom. O Centro Social Gomes Gaioso, nesse sentido pretende achegar isso: um espaço para a resistência lingüística e cultural. Umha resistência que nom é puro enrocamento em tradiçons, mas também geradora de criaçom. A criatividade e a memória devem formar umha combinaçom perfeita para que nós, gente dos dias de hoje podamos habitar nessa obra coletiva magnífica do nosso povo chamada língua galega.

Precisamente porque a língua e o nosso compromisso insubornável com ela é o centro à volta do qual gira a nossa atividade, podemos dizer que todos os dias som dias das letras galegas no nosso centro social. Que aqui Castelao, Vilar Ponte, Bouça Brei, Novoneira, Pereiro, Igreja Alvarinho, Eládio Rodrigues...estám sempre presentes e tenhem no Gaioso um espaço para serem recordad@s, debatid@s, estudad@s e mesmo criticad@s...mas também Ricardo Flores, Carvalho Calero, Ernesto Guerra da Cal e aqueles que provavelmente nunca tenham o reconhecimento da Real Academia Galega, entidade que determina (com critérios absolutamente seitários) a quem se rende homenagem em cada ediçom do Dia das Letras.

Desde precisamente essa posiçom absolutamente insubmissa aos ditados da RAG, reivindicadora dos postulados reintegracionistas e, além disso, desde umha superioridade moral e inteletual com respeito ao isolacionismo que fai com que nom caiamos em seitarismos, anunciamos que nom vamos fazer ato específico nengum com motivo de 17 de maio, sem pretender com isto desqualificar a todas aquelas entidades que, desde a sua adessom sincera e espontánea à causa da defesa da língua tenham previsto algum tipo de atividade. No Centro Social Gomes Gaioso a língua é sempre protagonista, fio condutor necessário e inquietaçom constante e primordial.

Desde o Gomes Gaioso...todas as primaveras para o nosso idioma e para quem de verdade o defender!!!

15-05-2011

Link permanente 16:41:29, por csggaioso, 21 palavras, 197 visualizaçons   Português (GZ)
Categorias: Actividades

Campionato de matraquilho

Participa no campionato de matraquilho a celebrar no Centro Social Gomes Gaioso no próximo 17 de Maio!!! Informa-te das bases no telefone 606101251

Quem Somos?

Esta entidade nasce com a ideia de integrar todas aquelas pessoas que, de forma aberta, se quigerem implicar na dinamizaçom deste espaço, que tem visa organizar iniciativas alternativas que pulem pola transformaçom da realidade em que nos desenvolvemos. + info

gomesgaioso@gmail.com

Onde Estamos?

Estamos na Rua Marconi, 9 rés-do-chao [Atochas-Monte Alto] - Corunha (Galiza).

Abrimos de terças a sábados de 20h00 a 23h00.


View Larger Map
Biografia Gomes Gaioso

Busca

powered by b2evolution free blog software