A reforma do trabalho nom foi suficiente para o capital com aquela que levou avante no Estado espanhol, há uns meses, através do governo do PSOE. Por conseqüência as trabalhadoras e trabalhadores da Galiza organizamos mais umha greve geral para o 29 de março.

Toda luita é pouca para a maioria social mais desfavorecida, que vê abalar o seu futuro e presente e como as conquistas atingidas no passado dam vários passos atrás.
O nosso centro social, através das suas sócias e sócios, pertencentes a essa maioria de galegas e galegos desfavorecidos apoia incodicionalmente esta jornada de luita, para corrigir o rumo do nosso futuro e o do conjunto das naçons, para superar o capitalismo e construir umha sociedade mais justa para as mulheres e os homens das redes populares.
Hoje, 22 de março, na praça de Maria Pita, há umha concentraçom às 20h convocada pola CIG para aquecer os motores com vistas à jornada de greve do dia 29. O Gomes Gaioso encerrará as suas portas até o fim desta concentraçom já que as nossas socias e socios participarám dela, do mesmo modo animamos a todas as pessoas que pertencem a essa maioria a quem a reforma laboral nom favorece a que participem da concentraçom de hoje e da jornada de luita do próximo dia 29.
Contra o capitalismo e a reforma laboral! Polo sucesso da Greve Geral!