« Ciclo de atividades para o outono | Périplo tasqueiro e foliada no Gaioso » |
O 8 de fevereiro de 2009 houvo nas ruas de compostela uns já históricos acontecimentos de que o tempo havia demonstrar no futuro o seu simbolismo.
O coletivo xenófobo contra todo aquilo que nom cheire a espanhol, Galicia Bilingüe, convocou, com o conjunto do ultra-espanholismo da Galiza e com apoio estrangeiro, umha manifestaçom para travar supostos privilégios que a língua galega conquistara na etapa do bipartido.
As organizaçons políticas e os coletivos sociais mais conscientes saírom às ruas a protestar perante assaz mostra espanholista e fascista e defender o idioma polos ataques que estava a sofrer.
Aquela manifestaçom havia ser sintoma dos derroteiros que o PP tinha gizados para a língua galega na sua legislatura.
Naquela manifestaçom rememorárom-se tempos passados e pudo-se ver o vieiro fascistizante que estamos a viver na atualidade. Aquele dia houvo pessoas feridas e 11 detidas, todas defendiam o galego.
Entre os dias 23 e 26 de outubro estas pessoas serám julgadas, do C.S.Gomes Gaioso queremos chamar à solidariedade com estas/es compatriotas e difundir a convocatória da concentraçom de apoio que haverá nos julgados de Fontinhas, na capital da Galiza, o dia 23 a partir das 9h.
Na Galiza em galego!
Espanholismo nunca mais!
Trackback URL (clique direito e copie atalho/localizaçom do link)