Hoje, às 19h30 frente às instalaçons da Associaçom de Vizinhas/os de Monte Alto-Atochas, vai ter lugar o primeiro ato de protesto popular e de rua contra a supressom dos concertos de subvençom pública que possibilitavam a abertura de umha das bibliotecas do bairro.

O Centro Social Gomes Gaioso nom só adere como parte viva do núcleo de vizinhas/os de Monte Alto, mas apoia e transmite umha mensagem de firme defesa das medidas de pressom social e política que cumpre desenvolver para colocar os direitos das classes populares do nosso bairro por cima da especulaçom, o saque, o espólio e a ruína consubstanciais ao capitalismo que padecemos a maioria social da cidade da Corunha.

O governo neoliberal de Carlos Negreira está a desenvolver na nossa localidade o papel destacado que corresponde ao seu posto com absoluta fidelidade à política de cortes e castigo ao povo que se implementam também na Galiza, o Estado e a Uniom Europeia. Monte Alto-Atochas é um pequeno ponto de conflito no imenso mapa desse mundo convulso por umha crise sistémica que está a desvertebrar os logros de muitos anos de resistência, autogestom e desejos compartilhados por milhares de pessoas, hoje, representadas na vizinhança, na nossa vizinhança, de Monte Alto. Que sempre encontrou nos serviços do local social um espaço de referência e convívio que muitos bairros desejam.

Neste serao vemo-nos todas e todos com um livro na mao para dizer nom ao feche dos serviços públicos de bairro.

Adiante a luita vicinal!