Para esta sexta-feira tínhamos prevista umha palestra que baixo o titulo "Futebol, Ultras e Política: luita social desde as bancadas" pretendia mostrar o compromisso de luita e resistência das claques de futebol frente aos ataques à classe operária por parte do capitalismo. As pessoas a falar iam ser representantes dos grupos ultras antifascistas de Bukaneros da A.D. Rayo Vallecano de Madri e Riazor Blues da Corunha, para além de contarmos com a voz do companheiro e sociólogo Ângelo Pineda.

No entanto, a brutal repressom policial dirigida contra as/os nossas/os companheiras/os de Bukaneros, orquestrada pola delegada do governo em Madri, Cristina Cifuentes, levou ao cancelamento do ato.

Nestes momentos, dez pessoas membros de bukaneros permanecem detidas em dependências policiais acusadas de associaçom ilicita, polo simples facto de pertencerem a umha claque de futebol. Há que considerar a possibilidade de que se fagam mais detençons.

Há poucas semanas assistimos ao arresto de umha outra pessoa vinculada a Bukaneros, vítima de umha montagem policial o dia da greve geral do 14N. Alfon permaneceu detido e em regime FIES de isolamento durante 2 meses. Ontem, apenas 48 horas após as mobilizaçons do 23F que percorrêrom o Estado espanhol, o governo mostra mais umha vez os dentes perante a resistência do povo trabalhador, reprimindo brutalmente todas/os aquelas/es que nom se dobram e que nom ficam caladas/os perante as injustiças de um governo corruto e completamente deslegitimado.

Do CS Gomes Gaioso, queremos expressar a nossa total solidariedade com os as pessoas detidas de Bukaneros, e somar as nossas vozes a todas aquelas que estám a exigir a sua liberdade imediata e incondicional, assim como o cessar total da repressom que estamos a ver.

Força companheiras/os!
Nom nos vam calar!