« Voltam as noites de trivial | Festa-homenagem 26 de julho » |
O nosso centro social apoia a manifestaçom que Galiza melhor sem touradas organiza para o domingo 4 de agosto às 12h com saída do Obelisco.
O CS Gomes Gaioso quer aderir a esta causa por motivos tam evidentes para a maioria das galegas e galegos como necessário é recordá-los no dia-após-dia.
Os motivos que nos levam a condenar as touradas som:
Em primeiro lugar o mal-trato ao touro. De nada servem as contestaçons demagógicas que dam as pessoas que defende esta barbárie, a morte que se dá ao touro nom é necessária, polo que passa a ser tortura e nom umha morte por necessidade por razons alimentares.
Um outro fundamento, que intensifica o qualificativo de evidente para as críticas às touradas, é que este espetáculo carece da mais absoluta tradiçom no nosso país. Estamos pois perante um capricho iniciado no seu dia nesta cidade polo PSOE corunhês, mas perpetuado hoje polo PP.
Estas argumentaçons, junto das que tem achegado Galiza melhor sem touradas, graças ao importante esforço e contributo feito com a realizaçom de um inquérito que demonstrou que esta cidade nom quer mais touradas, porque nunca fôrom nossas, desvelam os interesses arbitrários de quem tem contribuído política ou economicamente a este evento; que nom é mais do que a reproduçom ilógica de dogmas alheios ao nosso povo.
Independentemente dos tempos que corram, embora nesta situaçom de multicrise estes factos sejam hoje mais graves, é injusto que se continuem a realizar touradas e é obsceno que se faga com o dinheiro de quem sempre dixo nom a este espetáculo selvagem.
Por todo isto:
Corunha, Galiza, melhor sem touradas!
Torturas nunca mais!
Trackback URL (clique direito e copie atalho/localizaçom do link)