Setembro 2015

No sábado decorrerá no Centro Social umha particular jornada de reflexiom à catalá, com vontade de vulnerar toda a lógica reflexiva do sistema e fazer aberta propaganda da candidatura da esquerda independentista em Catalunha.

O dia antes às eleiçons catalás, o Centro Social abrirá a partir das 21h com petiscos cataláns, com música catalá e com a irreverência catalá de plantar cara a Espanha utilizando a temível ferramenta do voto. Sim, haverá umha cabina para depositardes o vosso apoio à lista que menos raiva vos dé.

Setembro 2015

O Centro Social Gomes Gaioso é umha entidade pró-normalizadora do idioma galego, minorizado e dialetalizado pola imposiçom do espanhol. Queremos expressar o nosso malestar pola utilizaçom exclusiva e excluente do idioma espanhol na propaganda do "Concurso de Tapas Picadillo", do pelouro de emprego da Câmara Municipal.

Em várias ruas da cidade se tenhem instalado cartazes como o que aparece na fotografia, na terceira ronda. Neles aprecia-se claramente o motivo da denúncia que realizamos. A utilizaçom só do espanhol na propaganda. Nom podemos tolerar com normalidade que as instituiçons públicas sirvam de ferramenta reprodutora dumha situaçom histórica de substituiçom lingüística acelerada.

Por desinteresse, por passotismo, por erro... ou por qualquer motivo; a Câmara Municipal e o seu governo nom podem justificar-se por nom emprestar a suficiente atençom à proteçom efetiva da nossa língua, começando por nom deixar NUNCA à margem, como neste caso, o galego.

Já podemos anunciar a lista de propostas que o Centro Social Gomes Gaioso oferece. Pola primeira vez na nossa história alcançamos a cifra de 19 cursos, dos quais esperamos que a maioria saiam avante graças à inscriçom de sóci@s e nom sóci@s.

O preço é de 25? mensais por 90 min à semana para pessoas nom sócias, e de 5? menos para pessoas sócias.

O cartaz que acompanha esta nova será colocado nas ruas do nosso bairro, e também nalguns outros pontos da cidade. Assim esperamos chegar ao maior número de vizinhos e vizinhas da cidade, e nom só, que queiram contar com os nossos modestos recursos para fomentar a cultura e a arte popular e autogerida.

Se quigeres oferecer-te para ministrar um outro curso, podes também fazê-lo utilizando as mesmas vias de contato.

A maioria dos cursos nom tenhem horário definido; dependem dos acordos a que chegarem professores/as e alun@s interessad@s.

Aqueles que completarem o cupo mínimo de alunado, começarám a ministrar-se em outubro.

Escreve-nos: gomesgaioso@gmail.com
Chama: 676 75 81 64

A partir de amanhá e durante todo o mês de setembro, reproduçons de obras artísiticas em diversas prisom do Estado, realizadas polo preso independentista Carlos Varela, serám expostas no nosso Centro Social. Podes contribuir comprando algumhas delas.

A entidade de familiares e amig@s de apoio ao militante ordense contará com umha rede de locais polo País todo para a exposiçom deste mês.

Orgulhamo-nos de ser parte desse tecido de resistência e memória d@s penad@s por motivos político.

Achegando-nos ao nosso Dia da Pátria, achegamo-nos também dum outro projeto emancipador nacional, social e de gênero. O representado pola esquerda independentista dos Països Catalans.

Na quarta-feira 22 estarám connosco a porta-voz de Som Països Catalans e um militante de Endavant (OSAN) para atender às nossas inquietudes e dúvidas sobre o trilhado assunto catalám.

Para nós, um prazer receber este companheiro e companheira e escuitar a sua experiência.

A partir das 20h30, passa-te a escuitá-l@s em primeira pessoa!