Como cada em ano em 6 de novembro, dia da execuçom na Corunha de José Gomes Gaioso e António Seoane, o Centro Social quijo render homenagem a quem nos dá nome. Com umha oferta floral no cemitério de Santo Amaro do bairro de Monte Alto, onde jaze sem identificar o leito de José, como o de tant@s exemplares comunistas que dérom todo pola sua classe.

E figemo-lo com a bandeira de luita e liberdade que nos liga com a sua história. A de dous militantes do PC e do Exército Guerrilheiro da Galiza que tomárom as armas para defender o poder popular das despiadadas hordas fascistas que sumírom Galiza numha longa noite de pedra.

Na Corunha de 2014, dúzias de pessoas lembramo-nos de vós, temos o vosso compromisso como exemplo, e queremos ondear orgulhos@s a bandeira da luita operária por umha Galiza ceive e sem exploraçom.

EM PÉ @S ESCRAV@S DA TERRA!
GOMES GAIOSO, SEOANE, PRESENTES!

Amanhá 8 de novembro, Galiza adianta-se ao Principado de Catalunha e colocará as urnas de votaçom para decidir o futuro do nosso país antes que @s noss@s amig@s mediterránic@s.

O Centro Social Gomes Gaioso, junto com outros Centros Sociais do País, promove umha iniciativa exclusiva, que os nossos governantes nom estám polo labor de nos dar, para decidir sobre a identidade política da Galiza de amanhá.

A AC Cultura do País de Lugo, a Fundaçom Artábria de Ferrol, o CS Harar de Noia e a Gentalha do Pichel de Compostela colocam também à disposiçom do povo de cada localidade a possibilidade de expressar-se sem pressons partidaristas nem ameaças golpistas.

De madrugada começaremos com a contagem dos votos, cuja celeridade nom podemos garantir, para amodinho e boa letra obter a máxima eficácia no resultado final. Também anunciamos que reporteir@s galeg@s cobrirám o evento em cada localidade, permitindo que como muito tardar segunda-feira haja um resultado global das localidades autodeterministas.

O teu voto é secreto e haverá umha inspeçom internacional que velará pola limpeza do processo.

Em democratas... ninguém nos ganha!!

Amanhá sábado, a partir das 21h (apesar de que o cartaz diga as 20h), passa-te polas urnas na Rua Marconi, em Monte Alto.

ANQUE CHOVA,... VOTA!!

Próximo sábado a partir das 11 horas, com saida do Centro Social e a direçom dum companheiro, sairemos apanhar castanhas para poder cozer, mais adiante, durante a jornada de Magusto que celebraremos em novembro.
Anima-te! Vem com nós!

Amanhá quarta-feira projetaremos, na nossa língua, o derradeiro filme do mês. Será como de costume nos últimos meses a partir das 20h30, e o título escolhido é o mui clássico "Night of the Living Dead". Com esta introduçom a estas jornadas de flores e lápidas, de lembranças mas também de despertar dos temores notámbulos mais atávicos, o Centro Social Gomes Gaioso inaugurará o SAMHAIM 2014.

Este continuará dous dias depois, na mesma noite de sexta-feira dia 31, com o SAMHAIM propriamente dito, porquanto homenagearemos a tradicional noite em que boa parte do mundo, @s noss@s ancetr@s incluídos, realizam homenagens e rituais de mudança de época. E é que já se sabe que o final do verao nom é pouca cousa... Começa a estaçom escura na tradiçom celta.

Convidamos-vos a virdes disfarçad@s, a trazer cabaças e a aproveitar qualquer momento para dar um bom susto ao pessoal. Entrada a noite, a cabaça mais terrorífica será premiada com um lote de produtos do CSGG para a pessoa autora da mesma.

A partir da última hora e coincidindo com o feche do local, decoraremos o bairro com as nossa cabaças reivindicando o caráter autótono desta festa nossa que parece que temos que comprar aos ianques.

Para facilitar isto, o dia antes quinta-feira dia 30 haverá um obradoiro de decoraçom de cabaças durante o horário de abertura normal do Centro Social, desde as 20h. Traz as tuas e decoraremo-las entre tod@s!

Durante as próximas semanas porám-se em andamento os distintos cursos que conseguimos levar avante.
Informaremos dos seus horários, assim como das novidades relativas a novas ofertas.
Os cursos som abertos à inscriçom durante todo o curso.

Lembra que podes ligar para interessar-te por eles ao 676 75 81 64, ou escrever para gomesgaioso@gmail.com Também, com certeza, podes a achegar-te polo local e falar com a pessoa que atenda esse dia.