Fevereiro 2017

O percurso das escolas Semente começou em Compostela há uns anos. Neste tempo, nom só afiançou a sua presença na capital do País; também se estendeu com demandas de emulaçom a Vigo, Trasancos, Lugo... e agora a Corunha!

Um grupo de pessoas da nossa comarca quer organizar-se para dar luz a esse sonhadíssimo projeto de termos umha escola popular monolíngue, social, ambientalista e nom sexista. E escolhérom o nosso Centro Social para reunir-se e falar deste projeto.

Nom sós, nom. Com todas aquelas pessoas que tiverdes algo que achegar a este necessário propósito. Fam falta maos nos mais variados terrenos: educativo, artístico, técnico, doméstico... Há muitas tarefas que cobrir para poder erguer um projeto que cuide das crianças.

Este sábado às 17h podes vir ao Gaioso e trocar ideias com outras pessoas interessadas.

Fevereiro 2017

O nosso Centro Social, com vocaçom integradora de toda a comarca corunhesa e preocupado com as situaçons de injustiça e espólio em toda ela, organiza para sexta-feira dia 3 de fevereiro umha palestra com três ponentes locais. Dous da cidade capital, e um da vizinha Oleiros.

Será às 20h30 no nosso local, na Rua Marcóni, 9, rés-do-chao.

O dous primeiros, Manuel Monge e Anxo Varela, som membros da Comissom Aberta em Defesa do Comum, que leva meses a coordenar informaçom e atividades contra a atuaçom especulativa da Autoridade Portuária (e nem só) com terrenos em possessom.

O derradeiro, Ramiro Vidal, preside o coletivo Santa Cruz Aberta ao Mar, que procura deitar luz e involucrar o povo oleirense na decisom do concelho de autorizar a construçom dumha mole hosteleira na parcela em primeira linha sobre a praia onde o antigo hotel Máxi.

Ambas situaçons concernem todos e todas. Afetam-nos porquanto estabelecem critérios de atuaçom institucional sobre pedaços de território em que as autoridades negoceiam com capital privado em lugar de procurar o interesse comum. Processos obscuros de mercantilizaçom de espaços mui simbólicos à margem da necessidade popular de protagonizar a construçom da sua própria vila.

Queremos escuitá-los e escuitar-nos. Queremos achegar e queremos decidir. A nossa Corunha, o nosso Oleiros, som nossos e queremos imginá-los e construi-los.

Outubro 2016

Palestra da psiquiatra Íria Veiga, membro da Coordenadora do Movimento Galego de Saúde Mental.
Falará-nos sobre o quê é e o quê nom é umha doença mental. Sobre a psiquiatria como disciplina. E sobre as questons sociais e políticas relacionadas com esta matéria na Galiza de hoje.

Será na sexta-feira dia 21 (venres) a partir das 20h30

Entrada de balde.

Setembro 2016

Companheir@s de Extel: estamos ao día da precária situaçom laboral que levades sofrindo há tempo, e que, a pouco de ter ganhado o PP as eleiçons galegas, e com a Reforma Laboral na mao, traduze-se num ERE contra vós para seguir engrossando os benefícios dum gigante como Movistar.

Do Centro Social Gomes Gaioso queremos mandar-vos todo o nosso apoio e solidariedade, pois entendemos que a melhor arma que temos a clase trabalhadora é o apoio mútuo, a uniom frente ao terrorismo patronal e a luita na rua.

Porque estamos fartxs de mendigar por um futuro precário e de trabalhar no estrangeiro quando o que queremos é ter um trabalho digno na nossa terra.

Por isto, queremos mostrar o nosso respaldo a toda açom de protesto que levedes a cabo, pois entendemos que a vossa luita é a de todxs. Umha loita contra o modelo alienante, classista e destrutivo que o capitalismo nos impom, e que do Gomes Gaioso também fazemos dia a dia por mudar.

Chamamos, en conseqüência, aos corunheses e às corunhesas a acudir às concentraçons convocadas para amanhá quinta-feira 29 às 10:30 e às 16:30 para a turma de tarde, na entrada do Edificio Proa (Matogrande)

¡Porque juntxs somos mais fortes! ¡Nom estades sós!

Setembro 2016

A quatro dias de rematar o mês de setembro, podemos anunciar já o conjunto de cursos que ofertamos para o ano académico 2016/17.

Lembramos que o horário das atividades está ainda por fixar, e que para isso poremos-vos em contato com cada professor/a com o fim de organizar-vos para estabelecer o melhor para a maioria interessada em cada curso.

O conjunto da oferta garante o ENSINO EM GALEGO, guiado por um professorado com conhecimentos contrastáveis em cada umha das áreas.

O preço é de 25 euros por mês para pessoas nom sócias, e de 20 euros por mês para pessoas sócias. Nom se modificam portanto os preços com respeito aos últimos 2 anos.

A forma de contatar connosco é escreveres um correio a gomesgaioso@gmail.com ou chamares ao 676 75 81 64.
A partir daí solucionaremos as túas dúvidas e poremos-te em contato com @ professor/a correspondente para maracardes o horário conveniente.

IDIOMAS

- Galego para imigrantes

- Galego (normativa AGAL)

- Português (professora nativa e titulada)

- Russo (professor titulado)

- Inglês (professor titulado)

- Francês (professor titulado)

- Italiano (professora nativa)

- Catalám (professor bilíngue)

- Alemám básico

MÚSICA

- Gaita

- Ukelele

- Saxo

- Clarinete

- Iniciaçom à pandeireta

- Pandeireta avançada

OUTRAS

- Trabalho em coiro