Páginas: << 1 2 3 4 5 6 7 8 9 10 11 ... 78 >>

04-09-2016

  12:53:00, por csggaioso, 115 palavras  
Categorias: Associaçom

Convocatória de professorado para os CURSOS 2016/17

Setembro 2016

O mês de setembro reativamo-nos, como muit@s, para volver começar. Para começar de novo. Para começar melhor e mais forte.

E nesta ocasiom fazemo-lo anunciando a CONVOCATÓRIA DE CURSOS 2016-2017, antes de anunciar os cursos em si. Fazemo-lo com a vontade de chegar a vizinh@s da cidade, e nom só, que queiram ensinar. Que queiram partilhar os seus conhecimentos ou habilidades artísticas, culturais ou desportivas com alunado interessado em aprender.

quase nove anos que levamos funcionando, este tem sido sem dúvias o principal elemento dinamizador da nossa Associaçom Cultural, e assim esperemos que continue a ser.

Se estiveres interessad@ em ensinar em galego, contacta connosco no num de tfn 676 75 81 64 ou no correio gomesgaioso@gmail.com

07-07-2016

  10:08:00, por csggaioso, 63 palavras  
Categorias: Associaçom

Concerto íntimo de Davide Salvado

Julho 2016

De hoje nuns dias, sábado 16, Davide Salvado cantará no nosso local. Podedes conseguir as entradas previamente passando polo Centro Social até ao dia antes. O preço é de 5?, 3? para pessoas sócias.

O cantor galego ia vir há dous meses, mas umha doença provocou a cancelaçom do evento a última hora.

Será umha noite fantástica na casa d@s independentistas galeg@s na Corunha. Vem-te!

21-06-2016

  10:34:00, por csggaioso, 139 palavras  
Categorias: Associaçom

Chegou o Sam Joám. Chegou o solstício.

Junho 2016

Ainda que nom sabemos, como a imensa maioria d@s corunheses/as, quem é ou foi o tal Santo Joám, sim sabemos que nestas datas cai a noite mais curta do ano. O que oficialmente se considera começo do verao, a estaçom do ano mais calorosa, festiva e luminosa.

Ao longo destes mais de 8 anos de trabalho como comunistas, feministas e independentistas galeg@s, temos colocado esta festa local e nacional como mais umha, mas sem dúvida especial, do nosso calendário lúdico.

E este ano repetimos, como nom. Como em 2015, teremos chouriços, carne, peixe, música, bebida... todo pronto para que podades passar-vos por um dos bairros mais autênticos na celebraçom desta festividade.

Sem sardinha ou com ela, sem Sam Joám ou com ele, haverá som brasas, espinhas, ossos, e umha boa "monha" se nom previndes à hora de beber.

A divertir-se!

01-06-2016

  00:10:00, por csggaioso, 73 palavras  
Categorias: Associaçom

Projeçom de FIOS FORA

Junho 2016

FIOS FORA é um documentário realizado polo coletivo ILLA BUFARDA cujo sucesso nom deixa de surpreender as próprias criadoras do mesmo.

O documentário achega-se da história da indústria têxtil galega, abrindo o novelo e estendendo-se num percurso temporário até à globalizada rede de exploraçom capitalista contemporánea.

Recomendamos-vos aproveitar a sua projeçom gratuita para passar polo local da Rua Marcóni e começar umha noitinha veraniega que se anuncia para esta-feira às 20h30.

http://fiosfora.gal/

18-05-2016

  10:15:00, por csggaioso, 201 palavras  
Categorias: Associaçom

Concerto pola oficialidade das seleçons nacionais

Maio 2016

Sexta-feira (venres) teremos umha jornada de reivindicaçom nacional na nossa cidade. A seleçom oficial, se bem que em jogo amistoso e só masculino, jogará frente a Venezuela em Riazor.

Para reivindicar as seleçons nacionais desportivas e o desporto de base galego, o coletivo Siareir@s Galeg@s marchará às 19 horas desde o Campo da Lenha (mal chamado Praça de Espanha).

Esperamos que a reivindicaçom sirva também para colocar no lugar que corresponde o desporto nom profissional e o desporto feminino.

Um concerto porá fim festivo à jornada da sexta-feira dia 20. Será com a presença dos grupos OS DERRADEIROS (Trasancos) e CRU (Carral).

O horário previsto é às 22h30, ainda que se retrasará para permitir a chegada em hora das pessoas que cheguem do estádio.

Podedes conseguir entradas antecipadamente por 5? em Vigo (CS A Revolta), Compostela (A Gentalha do Pichel), e Corunha (Faluya, Sesfi, BuleBule, CS Gomes Gaioso). Também podes solicitá-la por esse preço polo correio-e gomesgaioso@gmail.com

O preço na bilhetaria da Sala INOX será de 8?

Esperamos-vos com a garganta quente para berrar pola independência política, o desporto popular e de base, as seleçons nacionais, e a igualdade do desporto feminino.

Música EM GALEGO para umha noite com as nossas cores.

Vemo-nos lá!

<< 1 2 3 4 5 6 7 8 9 10 11 ... 78 >>

Quem Somos?

Esta entidade nasce com a ideia de integrar todas aquelas pessoas que, de forma aberta, se quigerem implicar na dinamizaçom deste espaço, que visa organizar iniciativas alternativas que pulem pola transformaçom da realidade em que nos desenvolvemos. + info

gomesgaioso@gmail.com

Biografia Gomes Gaioso

Ferramentas administrativas

Busca

free blog