Maio 2016

Sexta-feira (venres) teremos umha jornada de reivindicaçom nacional na nossa cidade. A seleçom oficial, se bem que em jogo amistoso e só masculino, jogará frente a Venezuela em Riazor.

Para reivindicar as seleçons nacionais desportivas e o desporto de base galego, o coletivo Siareir@s Galeg@s marchará às 19 horas desde o Campo da Lenha (mal chamado Praça de Espanha).

Esperamos que a reivindicaçom sirva também para colocar no lugar que corresponde o desporto nom profissional e o desporto feminino.

Um concerto porá fim festivo à jornada da sexta-feira dia 20. Será com a presença dos grupos OS DERRADEIROS (Trasancos) e CRU (Carral).

O horário previsto é às 22h30, ainda que se retrasará para permitir a chegada em hora das pessoas que cheguem do estádio.

Podedes conseguir entradas antecipadamente por 5? em Vigo (CS A Revolta), Compostela (A Gentalha do Pichel), e Corunha (Faluya, Sesfi, BuleBule, CS Gomes Gaioso). Também podes solicitá-la por esse preço polo correio-e gomesgaioso@gmail.com

O preço na bilhetaria da Sala INOX será de 8?

Esperamos-vos com a garganta quente para berrar pola independência política, o desporto popular e de base, as seleçons nacionais, e a igualdade do desporto feminino.

Música EM GALEGO para umha noite com as nossas cores.

Vemo-nos lá!

Maio 2016

O reintegracionismo linguístico marchará unido na mobilizaçom nacional que decorrerá na capital martes 17.

A partir do meio-dia, ao pé das Marias na Alameda, os e as partidári@s da normativa soberana para o nosso idioma sairemos atrás dumha faixa com a legenda que abre este post.

O bloco é apoiado pola entidade juvenil BRIGA, o Diário Liberdade, a Associaçom Galega da Língua e a Assembleia de Estudos Galegos, as Escolas Semente de Compostela e Lugo, e os Centros Sociais Fundaçom Artábria de Ferrol, A Gentalha do Pichel de Compostela, Terra de Pontedeume, Faísca e A Revolta de Vigo, Fuscalho do Baixo Minho, e o nosso, o Gomes Gaioso da Corunha.

Podes ver o evento no Facebook cá: https://www.facebook.com/events/163238514079476/

Eis o comunicado que distribuiremos durante a mobilizaçom:

Como cada ano, saímos às ruas para afirmar que nom nos vam deixar sem língua.

Desta vez, fazemo-lo brandindo a imagem, a obra e a memória de Manuel Maria, poeta da Pátria em galego.

Como quase sempre, um autor nom só de prática normalizadora, como também defensor da conveniência de a orientarmos para o ámbito em que mehor afondar nas raízes e melhor garantir um novo florescer: o da comunidade lingüística que, a partir da Galiza, ecoa em centenas de milhons de gorjas e fortalece a nossa fronteira de segurança frente à imposiçom do espanhol.

A identidade lingüística galego-luso-brasileira é o melhor recurso para que a Galiza se emancipe da submissom mental que nos impede um pleno desenvolvimento como povo. Sabia-o bem Manuel Maria, como antes o soubérom Murguia, Vilar Ponte, Castelao, Carvalho Calero... e hoje o sabem Teresa Moure, Séchu Sende e tantas escritoras e escritores. O reintegracionismo prático é umha ferramenta insubstituível para a plena normalizaçom.

Porém, nem chega com termos, como temos, a razom, nem com a adesom da inteletualidade mais comprometida com a língua e o País. É preciso estender o movimento pola recuperaçom plena do direito à língua no tecido associativo, mediático, sindical, educativo, popular...

As entidades e pessoas que juntas nos manifestaremos neste 17 de Maio fazemo-lo para afirmar essa necessidade, erguendo a Escola em galego, construindo centros sociais, meios de comunicaçom, coletivos e espaços de ócio em galego: exercendo a plena galeguidade lingüística em cada ato da nossa vida social.

Agindo como comunidade nacional viva e ativa: Essa será a melhor, a única, garantia de futuro para a nossa língua.

Avante, pois!

Compostela, Galiza, 17 de Maio de 2016

Queres aceder ao jogo GALIZA - VENEZUELA por apenas 2??

Pois este sábado podes consegui-lo! Por apenas 2? por inscriçom individual, forma um par que compita num campeonato de matraquilhos e poderás levar dúas entradas de ganhardes.

As regras ordena-as a casa. Ainda estás a tempo, até 1 hora antes de começar o campeonato, que será às 21 horas deste dia 14 no local da Rua Marcóni.

Se jogares e ganhares, vas direto à escadaria de Siareir@s Galeg@s em Riazor na sexta-feira seguinte, dia 20.

Maio 2016

O autor e amigo Antonio M. Fraga fará umha introduçom à sua obra "H.P. Lovecraft". O escritor eumês apresentará o seu último livro no nosso local a partir das 20 horas da sexta-feira, venres, dia 13.

A obra foi premiada em 2015 com o prémio Antón Risco de Literatura Fantástica.

Também a editora, URCO, estará presente com o Tomás González Ahola. O ato será apresentado polo rianxeiro e também escritor Xosé Duncan.

Oferecemos esta oportunidade para penetrar a o mundo fantástico que tanta tradiçom oral tivo no nosso país, da mao dum autor contemporáneo a escassos dias do 17 de maio.

Maio 2016

Terça-feira dia 10 imos achegar-nos da instabilidade na América Latina promovida polas oligarquias rapineiras. Faremo-lo com o coletivo Brasileg@s, criado na Galiza por imigrantes brasileir@s a raiz dos movimentos golpistas no seu País.

Oferecemos pois a possibilidade de conhecer de forma mais próxima de que vai isso do impeachment, que consequências pode ter, quem o promove e porquê, e qual o contexto continental de reofensiva direitosa em que se acha.

Será na mesma hora de abertura, às 20h, quando começaremos com o ato.