Nós também apoiamos a greve geral

Do Centro social Gomes Gaioso também queremos fazer um chamamento ao Povo Trabalhador Galego para apoiar a greve geral que a CIG encetou para esta quinta-feira 27 e que outros sindicatos apoiárom depois.

Apoiamos a greve porque o ataque da burguesia contra as redes populares continua para nom perder a sua taxa de benefício na crise económica, alimentar e energénita que estamos a padecer.

Apoiamos a greve para evitar retrocessos nas conquistas atingidas polas geraçons anteriores à nossa e contribuir a que os direitos colectivos sejam maiores para as geraçons vindouras.

Apoiamos a greve para nom cair na trampa dos sindicatos espanhóis maioritários, que reducem o problema no seu discurso ao das pensons, o problema é mais de fundo e estes sindicatos estám a pactuar por nós o futuro dos nossos direitos, contribuindo a que estes se vejam reduzidos. C.C.O.O e U.G.T estám a negociar, pondo-lhes um preço, os direitoas das trabalhadoras e dos trabalhadores.

Para apoiar que a iniciativa da CIG contribuiu a que no resto do estado a esquerda real também se mobilize nesta jornada, favorecendo umha defesa global ao ataque da burguesia espanhola sobre o conjunto dos povos do Estado espanhol.

Por todo isto

todas e todos à greve geral!
a luita é o único caminho!
por umha Galiza ceive, vermelha e lilás!

Corunha, Janeiro de 2011

Se queres expôr no Gaioso as tuas obras de fotografia, pintura, escultura, etc...pom-te em contacto connosco no telefone 699227028 ou a travês do correio electrónico gomesgaioso@gmail.com. Abrimos de terças a sábados. De terças a sextas à partir das 20:30 e sábados á partir das 21 horas.

Um novo ciclo, esta vez dedicado a mulheres criadoras nas diferentes disciplinas artísticas, se desenvolverá no Gaioso. O ciclo leva por título "Vozes em feminino, palavra plural", e começará o dia 14 de Janeiro com um recital poético cujo título será "Música e poesia". No recital participarám Iolanda Aldrei, Begoña Paz, Antia Otero, Belém Grandal, Rosa Enríquez e Mariola Soutelo.

Para o 25 de Fevereiro, está prevista a actuaçom da guitarrista clássica Isabel Rei.

O 18 de Março, Elvira Riveiro Tobio projectará as suas mais recentes criaçons em video-poesia.

Os actos terám lugar á partir das 21 horas, exceptuando o do dia 25, que será às 21:30

Um novo curso que ofertamos no Gaioso: neste ano que entra também teredes possibilidade de assistir a aulas de gaita. Interessad@s, chamar ao telefone 699227028

Sábado 11, a partir das 22h00, terá lugar no GG o sorteio tradicional da cesta com produtos galegos e umha festa.

CONTRA A CRISE E O NATAL ALIMENTA-TE DO CENTRO SOCIAL!