Solidariedade com as Atochas

O Centro Social Gomes Gaioso manifesta a sua solidariedade com o Centro Social Ocupado Casa das Atochas, que já tem ordem de despejo para o dia 9 de Dezembro. Como nom cabia esperar de outro jeito, os tribunais da justiça espanhola puxerom-se de parte da propriedade legal do prédio, e ordenam o seu despejo forçoso ao mesmo tempo que dam via livre às pretensons especulativas da pessoa proprietária.

O Centro Social Gomes Gaioso está formado por pessoas que querem construir umha realidade à margem das lógicas do mercado, da legalidade burguesa, do imperialismo, e, nesse sentido, e ainda com as diferenças de fundo ou de matiz existentes entre projectos, quem conformamos o Gaioso sentimos respeito por projectos que, como a Casa das Atochas, também trabalham alonjados dos parámetros e das pautas do sistema.

Com a Casa das Atochas houvo, quase desde o começo da nossa actividade, umha relaçom fluida e cordial e houvo em ocasions inclusso colaboraçom. O que nom se pode negar é que a Casa das Atochas funcionou sempre fogindo de sectarismos e desde a consciência da necessidade vital do entendimento entre @s que temos um inimigo comum ao que combater.

Nestas horas de resistência final para a Casa das Atochas, nom queremos transmitir umha mensagem de pesar, mas de optimismo. Queremos transmitir aos companheoiros e às companheiras das Atochas a nossa simpatia pessoal, a nossa empatia com a sua situaçom, a nossa solidariedade na sua resistência e perante as conseqüências repressivas que essa resistência poida ter, mas, sobretudo, os nossos parabéns por ter escrito um episódio sem dúvida vitorioso na história da luita por conservar e recuperar os nossos espaços perante a pouta predadora do desenvolvimento capitalista. Que o despejo, umha ameaça que planeja sempre sobre qualquer espaço ocupado desde que nasce, nom afogue o eco de todas as assembleias, projecçons, debates, concertos ou jornadas de trabalho que alí houvo, todas elas parte dessa vitória que em si foi o facto de ter ocupado esse prédio polo espaço nada desprezável de dous anos.

A manifestaçom que se convocou para este fim de semana vai ser nom umha despedida, mas um reencontro em unidade com @s noss@s companheir@s e amig@s da Casa das Atochas nesse espaço comum para a luita e a expressom que é a rua.

Dez...cem...mil centros sociais!!!

Nesta quinta feira dia 2, teremos de novo dia de troca...traz aquilo que já nom queiras, e talvez o poidas trocar por algum objecto que che puidera interessar. À partir das 20:30no Centro Social...

"Sétimo andar, poesia alén" vai fazer umha paragem na Corunha. Toda umha amálgama de sensaçons, de linguagens, de discursos, de tonalidades da mao de nove vozes poéticas em galego: Alfonso Láuzara, Manolo Pipas, Alberte Momán, Miguel Ángel Alonso, Rosa Enríquez, Maria Neves Soutelo, Alba Méndez, Ana Cibeira e Ramiro Vidal Alvarinho. Neste Sábado 27, às 21 horas.

António Gil Hernández e Xavier Vásquez Freire serám os encarregados de apresentar a ediçom em normas do Acordo Ortográfico da obra mestra de Rosalia de Castro. Ediçöes da Galiza é a editora encarregada de materializar em tinta e papel esta iniciativa, promovida pola Academia Galega da Língua Portuguesa.

Será o dia 19 de Novembro, às 20 horas, no Centro Social Gomes Gaioso (Rua Marconi, 9 A Coruña)

A partir do dia 4 de Novembro, todas as primeiras quintas-feiras decada mês, poderás trocar as cousas velhas que tiveres por outras. Trai ao Gomes Gaioso as cousas que já nom quigeres e troca-as polas deoutras pessoas.