Disfruta de da noite das cabaças comnosco!!! À partir das 21 horas do dia 30 estaremos celebrando o Shamain e desde as 22 horas teremos concurso gastronómico. A participaçom é aberta a quem quiger, e a única condiçom é que as refeiçons apresentadas tenham como ingrediente cabaça ou castanha.

Nem os ecos da primeira geraçom forom esquecidos, nem os abrochos das geraçons novas forom esmagados. O Sábado, 16 de Outubro, no Gomes Gaioso, festa punk-rock radical-hardcore, com especial recordo para o punk ibérico...bandas galegas como Desvirgheitors, Fame Neghra, Soak ou Dirty Barriguitas; bascas como La Polla Record's, Cicatriz ou Kortatu; portuguesas como Hud Sabäo, Inkisiçäo ou Mata- Ratos; catalás como Decibelios, Código Neurótico ou Manifesto....sonarám esse dia no nosso Centro Social à partir das 21 horas. E, às 19 horas, projecçom do documentário "No Acepto!!!"

Neste 29 de Setembro, dia para o que está convocada umha greve geral para todo o estado espanhol, fechamos por solidariedade e absoluta identificaçom com os protestos contra a reforma laboral e o recurtamento das pensons. As medidas absolutamente lesivas para a classe operária do governo espanhol, responsabilizando da crise a quem mais a padece, nom podem mais do que subscitar o nosso rejeitamento. Em conseqüência, e como local ao serviço da classe trabalhadora, suspendemos por completo as nossas actividades até o dia seguinte.

O mais do que conhecido analista político internacional Carlos Taibo, falará nesta ocasiom da obra poética de Pessoa, da que trata num livro recentemente publicado pola AGAL. Será no 22 de Setembro, a partir das 20:30 horas.

A partir de Outubro começam os cursos do Gomes Gaioso. Este ano oferece-se: dança galega, euskara, galego-português, inglês e pandeireta. O dia 1 haverá umha festa de apresentaçom no Centro Social dos horários e datas de cada curso. O calendário definitivo será em funçom da disponibilidade das pessoas interessadas e podedes dá-lo a conhecer no nosso local, escrevendo ao gomesgaioso [arroba] gmail.com ou chamando ao 699227028 ao longo do mês de Setembro.

O preço dos cursos é de:
10? para sócias/os e 15? para nom sócias/os.
Além do mais as pessoas associadas pagarám por dous cursos 18? e por três 25?.
As pessoas nom sócias pagarám 25? por dous cursos e 32? por três.