Janeiro 2016

Durante as próximas semanas o Entruido volve ao bairro mais carnavalesco da Corunha. O nosso.

Por segundo ano consecutivo celebraremos esta mesma semana a Quinta de Compadres, com todos e todas obrigadas a vir disfarçados com motivos próprios da vestimenta masculina, contemporánea ou nom. E na seguinte semana, Quinta de Comadres, com a jornada dedicada ao disfarce com motivos femininos.

Ainda, na quinta 28 haverá a grande Ceia de Entruido às 22 horas: lacom com grelos, bebida, sobre-mesa de filhoas e café por apenas 10? por pessoa. O trabalho e os benefícios serám repartidos entre o Centro Social e a nossa equipa de futebol gaélico, o Cascarilha.

Aponta-te! Participa do entruido popular corunhês!

Janeiro 2016

Antes de que no domingo tenhamos umha cita solidária com a Galiza rebelde na capital, dous dias antes, na sexta-feira 22, teremos umha iniciativa local.

Várias entidades agrupadas na Plataforma contra a Repressom da Corunha convocam às 20h, desde a Praça de Ourense, umha marcha para denunciar a perseguiçom de vári@s ativistas. A dia de hoje, ativistas contra os desafiuzamentos, participantes em convocatórias populares como a resposta ao congresso empresarial em Palexco, siareir@s do Deportivo da Corunha, ativistas sindicais e juvenis, encontram-se encausad@s ou condenad@s.

Distintas administraçons tenhem condenado sistematicamente aquelas pessoas que dam exemplo dumha Corunha resistente e combativa. A própria aprovaçom da Lei Mordaça polo governo saínte de Rajói em Madrid tem agudizado as contradiçons entre poder popular e poder vigente.

Para que isto nom aconteça impunemente. Para que o povo mostre que sabe reagir unido frente ao assédio policial e judicial. Saiamos às ruas. Que nom nos calem. Solidariedade por e para tod@s.

PRAÇA DE OURENSE. SEXTA-FEIRA (VENRES) 22. 20 HORAS

Janeiro 2016

Mais um fim-de-semana, desta volta domingo às 12h na Alameda da capital do País, toca estar com @s noss@s e também com nós própri@s. A raíz das detençons e a ilegalizaçom na prática da organizaçom independentista Causa Galiza, ao ser vinculada com um pretenso terrorismo político existente no nosso País, o povo deve reagir.

Frente à criminalizaçom e o permanente estado de tensom que quer gerar no independentismo o complot político-judicial espanhol, temos o dever de mostrar a nossa energia, firmeza e vontade de continuar, sempre à frente e de fazer força na adversidade.

Temos que colocar o inimigo na controvertida situaçom de nom sentir-se cómodo ante os permanentes golpes administrativos, policiais, judiciais, mediáticos, etc... com que nos "adoçam" a vida. Que saibam que medramos com eles, e que nom vamos ficar constrangid@s à mera açom-reaçom limitando o horizonte da nossa intervençom política ao seu compasso.

Corunha em pé POLOS DIREITOS CIVIS E POLÍTICOS PARA TOD@S!
TOD@S A COMPOSTELA!

Janeiro 2016

O nosso é estar com @s noss@s. Por isso participaremos da X Marcha às Cadeias organizada pola associaçom de familiares e amig@s Que Voltem Para Casa.

A jornada de sábado estará dedicada a visitar vários penais espanhóis onde se encontram afastad@s do País vári@s pres@s polític@s independentistas galeg@s.

"Derrubar os seus muros. Trazê-las para a casa" é a legenda desta ediçom, de cujo seguimento e participaçom podes consultar mais, além de no web, também aqui, no Facebook: https://www.facebook.com/Quevoltemparaacasa/?fref=ts

Eis o humilde vídeo elaborado para a cita pola nossa parte.

Janeiro 2015

A cesta de natal sae-se de data, e será sorteada neste sábado entre as pessoas que comprárom um número. Ainda estás portanto a tempo de participar. O mesmo sábado antes de fazer-se o sorteio poderás comprar algum número. Os produtos menos perecedouros já fôrom colocados ao longo destas semanas na cesta. Esperamos as achegas dos produtos mais perecedouros para os últimos dias.