A organizaçom política soberanista Movimento Pola Base vai celebrar umha apresentaçom no Centro Social Gomes Gaioso no próximo 22 de Abril à partir das 20:30 horas

O Centro Social Gomes Gaioso participará activamente na homenagem que diversos colectivos e indivíduos da Corunha e outros lugares brindarám ao proximamente desaparecido bairro das Atochas. O primeiro bairro operário corunhês, cenário do acordar de umha classe entom e hoje chamada a cambiar o mundo, lugar de luita e resistência, lugar de dignidade, vestígio material hoje pertencente á memória colectiva silenciada e, a passos de gigante, furtada do povo corunhês.

Full story »

Trás mais de um mês com as portas meio-fechadas (o local só se utilizava para os cursos) o Centro Social Gomes Gaioso re-abrirá as suas portas ao público nesta quinta-feira.

O local viu-se afectado por umha inundaçom num andar vizinho do mesmo prédio e a assembleia do Centro Social decidira fechar a actividade regular de cara ao público de maneira transitória. Tras comprovar que a instalaçom eléctrica nom se encontrava afectada pola água, deu-se luz verde à apertura.

Nesta Quinta à partir das oito do serám, portanto, alí estaremos a aguardar a tua visita.

Umha inundaçom no segundo andar do prédio onde está sediado o Centro Social Gomes Gaioso, ocasionou alguns desperfeitos no local. As filtraçons de auga afectarom à instalaçom eléctrica e, por prudência, a assembleia decideu de urgência nom celebrar a festa prevista para o dia 24 e que o local permaneza fechado, quando menos até que os problemas com a corrente sejam subsanados, e o perigo de cortocircuito nom exista. Amanhá poremo-nos já maos à obra, para podermos abrir num prazo o mais breve possível de tempo.

Neste 24 de Fevereiro, se entrares no Gaioso, hás de ter a sensaçom de terdes voltado ao passado, ou se calhar nom tanto. A festa monárquico ? benemérito ? oitenteira, retrotrazerá-che a aqueles dias em odor de mostachos, tricórnios, coroas banhadas em licor e sangue, e decadente papel couché. Movidas rockeiras de cartom pedra, reconversons industriais. Bom, aqueles tempos nom tam pre´teritos, já que daquelas lamas...ainda fica o que fica. Lembra ir bem caracterizado, para nom desentoar...