Páginas: << 1 ... 62 63 64 65 66 67 68 69 70 71 72 ... 78 >>
Respostemos à repressom!!! Defender a língua nom é delito
Perante a brutal actuaçom da polícia espanhola contra activistas em favor da língua na manhá de ontem em Compostela, com o resultado de polo menos um ferido e várias pessoas contusionadas, além de dez detençons, o Centro Social Gomes Gaioso comunica que vai secundar a concentraçom prevista para hoje às 20 horas no Obelisco da Corunha, protestando contra a repressom e a criminalizaçom à que se está a ver submetido o corpo social defensor do galego na nossa terra e em especial contra a actuaçom policial no dia de ontem e pola liberdade das pessaos detidas.
A organizaçom galegófoba e filo-fascista Galicia Bilingüe vai-se manifestar no 8 deste mês em Compostela. A manifestaçom está prevista para as 12 horas, com saída na Alameda. Este novo acto contra a língua galega tem o apoio explícito de duas forças políticas que saibamos: Unión Progreso y Democracia (o partido recentemente fundado por Rosa Díez e Fernando Savater) e o Partido Popular, que com a chegada de Núñez Feijoo à presidência da sua secçom galega, está a experimentar um escoramento cara a postulados claramente ?pontofinalistas? no que a língua se refire. É portanto previsível a presença de cargos destes dous partidos políticos na manifestaçom. Nom seria de estranhar que outras sectas ultras do tipo Democracia Nacional ou as diferentes versons de Falange secundaram esta convocatória.
Xoan Gabeiras e Laila Tellawi falarom no passado 31 de Janeiro no Gomes Gaioso sobre a situaçom na Palestina. A intervençom militar israelí em Gaza e os crimes de guerra alí perpetrados, aspectos inconfesáveis das relaçons entre Israel e Europa ou os Estados Unidos, a importáncia das mulheres na resistência palestiniana, a situaçom da mulher na sociedade palestiniana forom alguns dos temas tratados durante a conversa, que durou quase duas horas. Como ponto final da palestra Laila Tellawi e outra membro da directiva de Galiza por Palestina lerom um poema em árabe, acompanhado da sua traducçom ao galego.
A festa continuou com comida e música árabes, até o feche do local.
Este sábado dia 31, o Gomes Gaioso, numha nova proposta sob os diferentes povos e as suas peculiaridades ao redor do mundo.
Nesta ocassiom, vémo-nos na obriga de falar do povo palestino, diariamente assediado e submetido à acossa sionista do Estado de Israel, coa cumplicidade da comunidade internacional.
Em colaboraçom com a plataforma Galiza por Palestina, por volta das 21h, dará começo umha charla-colóquio na que estarám presentes:
- XOÁN GABEIRAS VÉREZ. Presidente de Galiza por Palestina.
- LAILA TILAWI. Vicepresidenta de Galiza por Palestina.
- MARÍA SILVA e NEREA VARELA. Cooperantes de Galiza por Palestina.
Apresentará o próprio Xoán Gabeiras. Após a sua intervençom, Maria e Nerea contarám a sua experiência em Palestina. Também se recitarám vários poemas palestinianos em árabe.
Petiscos e música árabe despedirám os actos sobre Palestina, mas a festa conituará até a madrugada.
Com motivo do grande sucesso que tiverom as aulas de pandeireta e da petiçom por vizinh@s do bairro, o Gomes Gaioso quer comunicar a criaçom de um novo grupo de iniciaçom em pandeireta, esta quarta-feira às 20.30h.