Dezembro 2015

Como todos os meses de inverno, já temos preparada a cesta de Natal. Esta irá-se enchendo durante os próximos dias até ser sorteada a começos de janeiro. Podes contribuir com a tua achega doando algum produto nom perecedoiro para que fique em exposiçom até o sorteio.

Os números que se podem adquirir som 150, ao preço de 1? cada um, e estám num cartaz ao lado do balcom do Centro Social.

Que a sorte seja com vós!

Novembro 2015

Em dezembro, no Centro Social haverá um FORO DE CINEMA CONTEMPORÁNEO, dirigido polo cineasta local Andrés Sam-Jurjo.

O curso constará de quatro dias de sessons de 90 minutos orientados ao visionado e interpretaçom do cinema menos mediatizado, reparando em culturas nacionais, autoras e autores e correntes determinantes na arte do cinema atual.

Os dias serám os 2, 9, 16 e 23 entre as 19h e as 20h30, todos quartas-feiras (mércores).

O curso custa 25?. Podes obter mais informaçom ou inscrever-te escrevendo a gomesgaioso@gmail.com ou chamando ao 676 758164.

Novembro 2015

O evento forte desta semana vai ser a palestra e debate sobre "Machismos na vida quotidiana" organizado pola entidade juvenil Isca! Estamos às portas dum novo 25 de novembro, e no Centro Social contaremos com esta atividade nesta semana de cor lilás revolucionário.

O encontro decorrerá na quinta-feira a partir das 20 horas com a participaçom da ativista feminista Ximena Gonçales.

A seguir reproduzimos o sentido da convocatória segundo a organizaçom:

"Dentro das múltiples batallas que temos abertas como mozas revolucionarias e feministas está a de reivindicar que a violencia contra as mulleres non é só física e que precisamente o patriarcado estruturou socialmente a violencia contra as mozas mediante un proceso de invisibilización das súas agresións, facendo que se naturalizasen até o punto de que o día a día no que vivimos, traballamos, estudamos, nos relacionamos e combatemos non convida a cuestionalas, facéndoas aínda máis perigosas ao non ser identificadas e, moito menos, cuestionadas para ser mudadas.

O feminismo ensínanos permanentemente a necesidade de aprender unhas das outras, de escoitar para analizar, cuestionar e transformar aquilo que nos somete. Por iso, desde Isca! organizamos este acto coa pretensión de mellorar o noso coñecemento sobre os diferentes comportamentos machistas do día a día. Cremos que as mozas, lonxe dos aparentes avances nas xeracións máis novas, sufrimos constantemente este tipo de agresións no noso cotián e é preciso sermos conscientes de que as padecemos para identificalas e así combatelas e traballar para eliminalas, desde o individual e o colectivo, sumando esforzos na batalla de erradicar progresivamente todas as manifestacións da violencia de xénero e do sistema patriarcal"

Novembro 2015

Na quinta-feira (xoves) dia 19, @s estudantes da organizaçom unitária da esquerda nacional celebrarám a tradicional festa do outono galego connosco. O coletivo Assembleias de Base continua a sua campanha de apresentaçom e difusom na Corunha com este ato lúdico.

Com certeza que a participaçom nessa jornada nom está restringida a jovens estudantes: poderedes gozar da troula a partir das 20h todos e todas as que queirades.

Será o segundo magusto deste ano em que participaremos, depois do I Magusto Popular do Campo de Marte com o CS A Comuna.

Novembro 2015

A que esperas? Este ano voltarás a poder aprender a dançar com o António, que polo segundo ano consecutivo dará este curso.

Na segunda-feira dia 16 começará com portas abertas: às 19 horas poderedes entrar e ensaiar, sem compromisso nem custos.

(imagem do curso do ano passado)

A partir da semana seguinte, segundas-feiras (luns) às 19 horas, já se dará por iniciado de jeito regular o curso, ao qual poderedes apontar-vos polo mesmo preço que o resto de cursos: 25?/mês por 90 min à semana.

Vem queimar energias e criar serotonina!